ಕುಡ್ಲದ ಕೆಎಸ್ಆರ್ಟಿಸಿ ಜಂಕ್ಷನ್ ಸಮ ಆವರೆ ಯಾಪ?

Last updated on August 7th, 2022 at 09:13 pm

ಬಿಜೈಡಿಪ್ಪುನ ಕೆಎಸ್ಆರ್ಟಿಸಿ ಬಸ್ಟಾಂಡ್’ದ ಜಂಕ್ಷನ್ ಕುಡ್ಲದ ಒಂಜಿ ಮಲ್ಲ ಜಂಕ್ಷನ್. ಅಲ್ಪ ದಿನಾಲ ಟ್ರಾಫಿಕ್ ಜಾಮ್ ಆದ್ ತಾದಿಡ್ ಪೋಪಿನಕಲೆಗ್, ಗಾಡಿದಕಲೆಗ್ ಮಲ್ಲ ಸಮಸ್ಯೆ ಆತ್ಂಡ್. ಅಲ್ಪ ರೋಡು ಕಡಪರೆ ಝೀಬ್ರಾ ಕ್ರಾಸಿಂಗ್ ಇಜ್ಜಿ, ಯಾಪಲಾ ಟ್ರಾಫಿಕ್ ಪೋಲಿಸ್’ಲಾ ಉಪ್ಪುಜೆರ್. ಈ ಜಂಕ್ಷನ್ ಕುಡ್ಲದ ಮಹಾನಗರ ಪಾಲಿಕೆಗ್ ಮಸ್ತ್ ಕೈತಲ್ ಉಂಡು. ಉಂದೆನ್ ಸರಿ ಮಲ್ಪರೆ ಪನವು ಬುಡುಗಡೆ ಆತ್ಂಡ್ ಆಂಡ ಸಮ ಮಲ್ಪುನ ಕಜ್ಜ ನನಲ ಆತ್’ಜಿ. ಅಲ್ಪದ ಜನಕುಲು ಏತೋ ಸಲ ಉಂದೆನ್ ಸಮ ಮಲ್ಪರೆ ಬೇಡಿಕೆ ಕೊರ್ತೆರ್, ನಗರಪಾಲಿಕೆ ಲಕ್ಕ್’ದ್ ಯಾಪ ಸಮ ಮಲ್ಪುಂಡು ಪನ್ದ್ ತೂವೊಡು.