Last updated on August 11th, 2023 at 01:48 pm
ಪೊಸದೆಲ್ಲಿ: ಪರತಿರಿಟೇ ಕಡೀರ ಸರ್ತಿ ಟೀಂ ಇಂಡಿಯಾ ಆಗಸ್ಟ್ 30ಗ್ ಸುರು ಆವೊಂದುಪ್ಪುನ ಏಷ್ಯಾಕಪ್‌ಡ್ ಪಾಕಿಸ್ತಾನ ಪಂದ್ ಬರೆತಿನ ಜೆರ್ಸಿ ಪಾಡೊಂದು ಕಲೊಕು ಜಪ್ಪೆರಗುಲ್ಲೆರ್.
ಟೀಂ ಇಂಡಿಯಾ ನಾಯಕೆ ರೋಹಿತ್ ಶರ್ಮೆ ಬೊಕ್ಕ ವಿರಾಟ್ ಕೊಹ್ಲಿ ಪಾಕಿಸ್ತಾನೊದ ಪುದರಿಪ್ಪುನ ಜೆರ್ಸಿ ಪಾಡೊಂದಿನ ಫೋಟೋಲು ಸೋಶಿಯಲ್ ಮೀಡಿಯಾಡ್ ಬಾರೀ ವೈರಲ್ ಆತ.
ಈ ಸರ್ತಿದ ಏಷ್ಯಾಕಪ್‌ಗ್ ಪಾಕಿಸ್ತಾನ ಬಿನ್ನದಿಗೆ ತೂವೊನುನೆರ್ದಾವರ ಏಷ್ಯಾಕಪ್‌ಡ್ ಗೊಬ್ಬುನ ಮಾತ ದೇಶೊಲೆನ ಜೆರ್ಸಿದ ಮಿತ್ತ್ ಪಾಕಿಸ್ತಾನೊದ ಪುದರ್ ಪಾಡ್ದೆರ್. ಅಂಚಾದ್ ಟೀಂ ಇಂಡಿಯಾದ ಮಾತ ಗೊಬ್ಬುಗಾರೆರ್ ಪಾಕಿಸ್ತಾನೊದ ಪುದರಿಪ್ಪುನ ಜೆರ್ಸಿ ಪಾಡೊಂದು ಗೊಬ್ಬುವೆರ್.
ಈ ಗೊಬ್ಬುಕೂಟೊಡು ಭಾರತೊದ ಕಡೀರ ಗೊಬ್ಬು ಪಾಕಿಸ್ತಾನೊದ ಎದುರು ಸೆಪ್ಟೆಂಬರ್ 2 ಕ್ ಕ್ಯಾಂಡಿಡ್ ನಡಪುಂಡು. ಏಷ್ಯಾ ಕಪ್‌ಡ್ ಭಾರತ-ಪಾಕ್ ಕೂಟೊಲು ಮೂಜಿ ಸರ್ತಿ ಎದುರೆದುರಾಪುನ ಸಾಧ್ಯತೆ ಉಂಡು.
ರೋಹಿತ್ ಶರ್ಮಾ, ಶುಭಮನ್ ಗಿಲ್, ವಿರಾಟ್ ಕೊಹ್ಲಿ, ತುಳುನಾಡ ಮರ್ಮಯೆ ಸೂರ್ಯಕುಮಾರ್ ಯಾದವ್, ಇಶಾನ್ ಕಿಶನ್, ತುಳುವೆ ಕೆಎಲ್ ರಾಹುಲ್, ಹಾರ್ದಿಕ್ ಪಾಂಡ್ಯ, ರವೀಂದ್ರ ಜಡೇಜಾ, ಅಕ್ಷ‌ರ್ ಪಟೇಲ್, ಕುಲ್‌ದೀಪ್ ಯಾದವ್, ಯುಜ್ವೇಂದ್ರ ಚಾಹಲ್, ಮೊಹಮ್ಮದ್ ಶಮಿ, ಮೊಹಮ್ಮದ್ ಸಿರಾಜ್, ಅರ್ಷದೀಪ್ ಸಿಂಗ್, ಜಸ್ಪ್ರೀತ್ ಬುಮ್ರಾ ಭಾರತದ ಕಡೆರ್ದ್ ಗೊಬ್ಬೆರಗುಲ್ಲೆರ್.