Last updated on August 12th, 2023 at 03:20 pm
ಕುಡ್ಲಡ್ ದಿನೊರ್ದು ದಿನ ಪಿದಯಿ ಬೂರೊಂದಿಪ್ಪುನ ಡ್ರಗ್ಸ್‌ದ ಕೇಸುಲೆನ್ ತೂನಗ ಮಂಡೆಬೆಚ್ಚ ಮಲ್ತೊನುನ ಪರಿಸ್ಥಿತಿ ಉಂಡು. ಕುಡ್ಲಡ್ ಜೋಕುಲು ಒರಾನೆ 20ರೂ. ದ ಚಾಕಲೇಟ್‌ಗ್ ಅಡಿಕ್ಟ್ ಆತಿನ ತೂದು ಅವೆತ ಬೆರಿಪತ್ತೊಂದು ಪೋನಗ 118 ಕೆ.ಜಿ ಡ್ರಗ್ಸ್ ಪಿದಯಿ ಬೂರ್ದುಂಡು.
ಜೋಕುಲು ಅವ್ವೇ ಚಾಕ್ಲೇಟ್ ಬೋಡು ಪನ್ದ್ ಚದಿ ಮಲ್ಪುನ ಅಂಚೆನೆ ಜೋಕುಲೆನ ನಡವಲಿಕೆ ಬದಲ್ತಿನ ತೂಯಿನ ಕೆಲವು ಅಪ್ಪೆಮ್ಮನಕುಲು ಪೋಲೀಸೆರೆಗ್ ಈ ವಿಷಯ ತೆರಿಪಾದಿತ್ತೆರ್. ಉ್ಂದೆನ್ ತೆರಿದ್ ಕುಡ್ಲದ ಪೋಲೀಸೆರ್ ರಡ್ಡ್ ಅಂಗಡಿಲೆನ ಮಿತ್ತ್ ರೈಡ್ ಮಲ್ತ್ 118ಕೆ.ಜಿ ಡ್ರಗ್ಸ್ ಕಲದಿನ ಚಾಕ್ಲೇಟ್‌ನ್ ಸೀಜ್ ಮಲ್ತೆರ್.
ಒಂಜಿ ಅಂಗಡಿಡ್ 83 ಕೆಜಿದಾತ್, ಕುಡೊಂಜೆಟ್ಟ್ 35 ಕೆಜಿದಾತ್ ಇತ್ತ್ಂಡ್. ರಡ್ಡ್ ಅಂಗಡಿದಕಲೆನ್ಲಾ ಅರೆಸ್ಟ್ ಮಲ್ತೆರ್. ಉತ್ತರ ಪ್ರದೇಶೊರ್ದು ಈ ಅಮಲ್ ಡ್ರಗ್‌ಲೆನ್ ಕನಪಾದ್ ಮುಲ್ಪ ಮಾರೊಂದಿತ್ತೆರ್ ಪನ್ದ್ ತೆರಿದ್ ಬೈದ್ಂಡ್.