Last updated on August 12th, 2023 at 05:00 pm
ಪಟ್ಟ ಪಗೆಲ್‌ಡೇ ಇಲ್ಲಗ್ ಪೊಗ್ಗುದ್ ಪದ್ದೈಬಂಗಾರ್, ಪಣವು ಕಂಡ್‌ದಿನ ನಡಕೆ ಉಜಿರೆ ಗ್ರಾಮೊಡು ನಡತ್‌ದ್ಂಡ್.
ಕಲ್ಲೆ ನಿವಾಸಿ ಫೇಲಿಕ್ಸ್ ಪನ್ಪಿನಾರೆನ ಇಲ್ಲಡ್ ಈ ಕಲ್ವೆ ನಡತ್‌ದ್ಂಡ್. ಇಲ್ಲದ ಕುದುಬಾಕಿಲ್‌ಡೆ ಉಲಯಿ ಪೊಗ್ಗಿನ ಕಲ್ವೆರ್ ಇಲ್ಲಡಿತ್ತಿನ 15 ಪವನ್ ಬಂಗಾರ್ ಅಂಚೆನೇ 20,000 ಕಾಸ್ ಕಂಡ್‌ದೆರ್. ಮದ್ಯಾನ ಫೆಲಿಕ್ಸ್‌ರೆನ ಮಗಲ್ ಕಾಲೇಜಿ ಮುಗಿತ್‌ದ್ ಇಲ್ಲಗ್ ಬನ್ನಗ ಈ ನಡಕೆ ಬೊಲ್ಪುಗ್ ಬೈದ್ಂಡ್.
ಜಾಗೆಗ್ ಬೊಲ್ತೇರ್ ಇನ್ಸ್‌ಪೆಕ್ಟರ್ ನಾಗೇಶ್ ಕದ್ರಿ, ಸಬ್ ಇನ್ಸ್‌ಪೆಕ್ಟರ್ ಧನ್‌ರಾಜ್ ಬೊಕ್ಕ ಸಿಬ್ಬಂದಿಲು ಬತ್ತ್‌ದೆರ್. ಎಚ್ಚಿನ ಪರಿಶೀಲನೆಗ್ ಕುಡ್ಲರ್ದ್ ಶ್ವಾನದಳ ಬೊಕ್ಕ ಎಫ್‌ಎಸ್ಎಲ್ ಕೂಟ ಬರ್ಯೆರೆ ಉಂಡು.