ಮರಿಯಲೊಡ್ಲಾ ರಾತ್ರೆ ಒಂಜೊಂಜಿ ಗಂಟೆ ಪನಂದೆನೇ ಕರೆಂಟ್ ಕಟ್ ಮಲ್ತೊಂದುಲ್ಲೆರ್, ಸಾರ್ವಜನಿಕೆರೆನ ಒಯಿಲ್

Last updated on August 13th, 2023 at 08:00 pm

ಕುಡ್ಲ : ಮರಿಯಲ ಆಂಡಲಾ ಮೆಸ್ಕಾಂದಕುಲು ಒವ್ವೇ ಗಾಳ್ ಬರ್ಸ ತೆಡಿಲ್ ದಾಂತಿನ ಪೊರ್ತುಡುಲಾ ರಾತ್ರೆ ಒಂಜೊಂಜಿ ಗಂಟೆ ಕರೆಂಟ್ ದೆತ್ತೊಂದುಲ್ಲೆರ್ ಪನ್ದ್ ಸಾರ್ವಜನಿಕೆರ್ ಪಿಸಿರ್ ತೂಪಾವೊಂದುಲ್ಲೆರ್.

ಕರಿನ ಒಂಜಿ ವಾರೊಡು ಪನಂದೆನೇ ರಾತ್ರೆ ಕರೆಂಟ್ ದೆತ್ತೊಂದುಲ್ಲೆರ್ ಪನ್ದ್ ಕುಡ್ಲ ಜಿಲ್ಲೆದ ಅಲ್ಪಲ್ಪದ ಜನಕುಲು ದೂರು ಕೊರೊಂದುಲ್ಲೆರ್. ಯಾಪಲಾ ಮೆಸ್ಕಾಂದಕುಲು ಕರೆಂಟ್ ದೆಪ್ಪೊರ್ದು ದುಂಬು ಪ್ರಕಟನೆ ಕೊರೊಂದಿತ್ತೆರ್. ಆಂಡ ಇತ್ತೆ ಪನಂದೆನ್ ರಾತ್ರೆ ಒಂಜೊಂಜಿ ಗಂಟೊ ಕರೆಂಟ್ ದೆತ್ತೊಂದುಲ್ಲೆರ್. ಕರಿನ ಒಂಜಿ ವಾರೊಡು ಇಂಚ ಮಲ್ತೊಂದುಲ್ಲೆರ್ ಪನ್ದ್ ಪನೊಂದುಲ್ಲೆರ್.

ಮೆಸ್ಕಾಂ ಅಧಿಕಾರಿಲೆನ ಲೆಕ್ಕೊಡು ಪವರ್ ಜನರೇಟರ್ಡ್ ಒಂತೆ ಸಮಸ್ಯೆ ಉಂಡು. ಈ ಸಲ ಮರಿಯಲೊಡು ಲೋಡು ಜಾಸ್ತಿ ಆವೊಂದುಂಡು ಅಂಚಾದ್ ಲೋಡು ಕಮ್ಮಿ ಮಲ್ಪರೆ ಪೀಕ್ ಗಂಟೆಡ್ ಕರೆಂಟ್ ದೆಪ್ಪುನವು ಕೆಲವೊರ ಅನಿವಾರ್ಯ ಆದುಂಡು ಪನ್ದ್ ಅಕುಲು ಪನ್ಪೆರ್. ನನ ಒಂತೆ ದಿನೊಟು ಈ ಸಮಸ್ಯೆ ಸಮ ಆಪುಂಡು ಪನ್ದ್ ಅಕುಲು ಪನೊಂದುಲ್ಲೆರ್.