Last updated on August 14th, 2023 at 08:32 am
ಬೊಲ್ತೇರ್: ಉಸಾರ್‌ದಾಂತಿನೆರ್ದಾವರ ಮರ್ದ್ ಮಲ್ತೊಂದು ಇಲ್ಲಡಿತ್ತಿನ ಪೊಣ್ಣು ಲೋ ಬಿಪಿ ಆದ್ ಹಾರ್ಟ್ ಅಟ್ಯಾಕ್ಡ್ ತೀರ್ದಿನ ನಡಕೆ ಕೋಡೆ, ಆಗಸ್ಟ್ 13 ತಾನಿ ನಡತ್‌ದ್ಂಡ್.
ಬೊಲ್ತೇರ್ ತಾಲೂಕ್‌ದ ನೆರಿಯ ಗ್ರಾಮೊದ ಗಂಡಿಬಾಕಿಲ್ ಜಾತಿಮಾರ್ ನಿವಾಸಿ ರಾಜು ದೇವಾಡಿಗ ಬೊಕ್ಕ ಸರೋಜ ದಂಪತಿಲೆನ ಮಗಲ್ ಸುಮಾ (19) ತೀರ್ದಿನ ಪೊಣ್ಣು.
ಕುಡ್ಲದ ಎಜೆ ಆಸ್ಪತ್ರೆಡ್ ಕಡೀರ ವರ್ಸೊದ ನರ್ಸಿಂಗ್ ಕಲ್ತೊಂದಿತ್ತಿನ ಸುಮಾ ಇಲ್ಲಡೆ ಬತ್ತಿತ್ತೆರ್. ಆಗಸ್ಟ್ 9ದಾನಿ ಉಸಾರ್ ತತ್ತಿನೆರ್ದಾವರ ಮುಟ್ಟದ ಆಸ್ಪತ್ರೆಗ್ ಪೋದು ಮರ್ದ್ ದೆತೊಂದು ಪಿರ ಬತ್ತಿತ್ತೆರ್. ಕುಡ ಆಗಸ್ಟ್ 11 ತಾನಿ ಅನಾರೋಗ್ಯ ಜಾಸ್ತಿಯಾಯಿನೆರ್ದಾವರ ಕುಡ್ಲದ ಆಸ್ಪತ್ರೆಡ್ ಮರ್ದ್ ಮಲ್ತ್‌ದ್ ಉಸಾರಾಯಿನೇ ತನ್ನ ಅಕ್ಕನ ಇಲ್ಲ್ ಬಳ್ಳಮಂಜಗ್ ಪೋದಿತ್ತೆರ್. ಆಗಸ್ಟ್ 13 ತಾನಿ ಬಯ್ಯಡ್ ಕುಡ ಉಸಾರ್ ತತ್ತ್‌ದ್ ಕುಡ್ಲಗ್ ಆಸ್ಪತ್ರೆಗ್ ಲೆತೊಂದು ಪೋಪಿನ ಸಾದಿಡೇ ಲೋ ಬಿಪಿ ಆದ್ ಹಾರ್ಟ್ ಅಟ್ಯಾಕ್ಡ್ ತೀರ್ದೆರ್ ಪಂದ್ ತೆರಿದ್‌ಬೈದ್ಂಡ್.