Last updated on August 14th, 2023 at 10:19 pm
ಪ್ರೈಮರಿ ಶಾಲೆಲೆಡ್ ಕಲ್ಪಾವರೆ ಬಿ.ಎಡ್ ಕಡ್ಡಾಯವಾದ್ ಆದಿಪ್ಪೊಡು ಪನ್ದ್ ಕೇಂದ್ರ ಸರಕಾರ ನಿರ್ದಾರ ಮಲ್ದ್ಂಡ್. ಈ ನಿರ್ದಾರ ಸಮ ಅತ್ತ್ ಪನ್ದ್ ಸುಪ್ರೀಂ ಕೋರ್ಟ್ ಪನ್ತ್ಂಡ್. ಜೋಕುಲೆಗ್ ಉಚಿತ, ಕಡ್ಡಾಯ ಬೊಕ್ಕ ಎಡ್ಡೆ ಶಿಕ್ಷಣ ಕೊರೊಡು ಪನ್ಪಿನ ಶಿಕ್ಷಣ ಹಕ್ಕು ಕಾಯ್ದೆಗ್ಲಾ ಈ ನಿರ್ದಾರೊಗ್ಲಾ ಒವ್ವೇ ಸಂಬಂದ ಇಜ್ಜಿ ಪನ್ದ್ ಸುಪ್ರೀಂ ಕೋರ್ಟ್ ಪನ್ಡ್.
ಪ್ರಾಥಮಿಕ ಶಾಲಾ ಟೀಚರ್ ಆವರೆ ಬಿ.ಎಡ್ ಅರ್ಹತೆ ಉಪ್ಪೊಡು ಪನ್ಪಿನ ಎನ್‌ಸಿಟಿಇ 2018ದ ಜೂನ್ 28ಗು ಕನದಿನ ಅಧಿಸೂಚನೆನ್ ಕೋರ್ಟು ರದ್ದ್ ಮಲ್ದ್ಂಡ್. ಪ್ರಾಥಮಿಕ ಶಾಲೆಡ್ ಕಲ್ಪಾವರೆ ಬಿ.ಎಡ್ ಬೋಡು ಪನ್ದ್ ಸರಕಾರ ಸಂವಿಧಾನ ಬೊಕ್ಕ ಕಾನೂನು ಉಲ್ಲಂಘನೆ ಮಲ್ದ್ಂಡ್ ಪನ್ದ್ ಸರಕಾರೊನು ಟೀಕೆ ಮಲ್ತ್ಂಡ್. ಪ್ರಾಥಮಿಕ ಶಾಲೆಡ್ ಕಲ್ಪಾವರೆ ಪ್ರಾಥಮಿಕ ಶಿಕ್ಷಣ ಡಿಪ್ಲೊಮಾ(ಡಿ.ಎಡ್) ಬೋಡು ಬಿ.ಎಡ್ ಅತ್ತ್ ಪನ್ದ್ ಸುಪ್ರೀಂ ಕೋರ್ಟ್ ಸುಮಾರ್ ಸಲ ಪನ್ತ್ಂಡ್ ಪನ್ದ್ ಪೀಠ ತೆರಿಪಾಂಡ್.