Last updated on August 15th, 2023 at 10:12 am
ಆಗಸ್ಟ್ 15ಕ್ಕೇ ನಮಕ್ ದಾಯೆಗ್ ಸ್ವಾತಂತ್ರ್ಯ ತಿಕ್ಕಿನಿ ಪನ್ಪಿನೆಕ್ಕ್ ಎಚ್ಚಿನಕಲೆಡ ಸದು ಉಪ್ಪಂದ್. ಆಂಡ ಉಂದೆಕ್ಲಾ ಒಂಜಿ ನೆವನ ಇತ್ತ್ಂಡ್.
ನಮಕ್ ಸ್ವಾತಂತ್ರ್ಯ ತಿಕ್ಕರೆ ಮಲ್ಲ ನೆವನ ಬ್ರಿಟೀಷ್ ಪಾರ್ಲಿಮೆಂಟ್ 1947ತ್ತ ಫೆಬ್ರವರಿ 20ಗು ಪಾಸ್ ಮಲ್ತಿನ ಇಂಡಿಯಾ ಆಕ್ಟ್ ಆಫ್ ಇಂಡಿಪೆಂಡೆನ್ಸ್. ಅಪಗನೇ ಭಾರತೊನು ರಡ್ಡ್ ಬಾಗ ಮಲ್ತ್ ಪಟ್ಟೊನುನ ಅಟ್ಟನೆಲಾ ಆದಿತ್ತ್ಂಡ್.
ಭಾರತದ ಕಡೇತ ವೈಸರಾಯ್ ಮೌಂಟ್ ಬ್ಯಾಟನ್‌ಗ್ ಬ್ರಿಟೀಷ್ ಪಾರ್ಲಿಮೆಂಟ್ ಭಾರತೊಗು ಅಧಿಕಾರ ಕೊರಿಯನೆ ದಿನ ನಿಗಂಟ್ ಮಲ್ದಿತ್ತಿನಿ ಜೂನ್ 30, 1948ಗ್. ಆಂಡ ನಮ್ಮ ಪೊರುಂಬಾಟಗಾರೆರ್ ಆತ್ ಕಾಪರೆ ರೆಡಿ ಇತ್ತಿಜೆರ್ ಅಂಚ ಅಮಸರೊಟು ಸುಮಾರ್ 10 ತಿಂಗೊಲು ದುಂಬೇ ನಮಕ್ ಸ್ವಾತಂತ್ರ್ಯ ತಿಕ್ಕ್ಂಡ್. ದಾಯೆಗ್ ಪನ್ಡ, ಭಾರತ ವಿಭಜನೆ ಆಪಿನ ಸಮಾಚಾರ ಮಾತಾ ಕಡೆಕ್ ಎತ್ತ್‌ದಿತ್ತ್ಂಡ್, ದೇಶೊಡು ಉಂದೆರ್ದಾವರ ಅಲ್ಪಲ್ಪ ಕೋಮು ಗಲಭೆ, ಹಿಂಸಾಚಾರ ದಿನೊರ್ದು ದಿನ ದಿಂಜೊಂದಿತ್ತ್ಂಡ್.
ಆಗಸ್ಟ್ 15ಕ್ಕ್ ದಿನ ದೀವರೆಲಾ ಒಂಜಿ ನೆವನ ಉಂಡು. ಅವ್ಲಾ ನಮ್ಮಕುಲು ದೀತಿನಿ ಅತ್ತ್, ಅಗಸ್ಟ್ 15ಗ್ ಅಟ್ಟನೆ ಮಲ್ದಿನಿಲಾ ಬ್ರಿಟಿಷೆರ್. 1939-45 ಮುಟ್ಟ ನಡತಿನ ರಡ್ಡನೇ ವಿಶ್ವಯುದ್ದೊಡು ಬ್ರಿಟನ್‌ದ ಚಂಗಾಯಿ ರಾಷ್ಟ್ರ ಆಯಿನ ಅಮೇರಿಕಾ ಜಪಾನ್‌ದ ಹಿರೊಶಿಮಾ ಬೊಕ್ಕ ನಾಗಸಾಕಿದ ಮಿತ್ತ್ ಪರಮಾಣು ಬಾಂಬಾ ಪಾಡ್ದ್ ದ್ವಂಸ ಮಲ್ದಿತ್ತ್ಂಡ್. ಉಂದೆರ್ದಾವರ ಆಗಸ್ಟ್ 15, 1945ಕ್ಕ್ ಜಪಾನ್ ಬ್ರಿಟೀಷೆರೆಗ್ ಶರಣಾಗತಿ ಮಲ್ದಿತ್ತ್ಂಡ್. ಉ್ಂದೆತ್ತ ರಡ್ಡನೇ ವರ್ಸದಾನಿ ಪನ್ಡ 1947, ಆಗಸ್ಟ್ 15ಕ್ಕ್ ನಮಕ್ ಸ್ವಾತಂತ್ರ್ಯ ಕೊರಿಯೆರ್. ಇಂಚ ಕಡೆಕ್ ಬುಡ್ದ್ ಪೋಪಿನ ಸಮಯೊಡ್ಲಾ ಬ್ರಿಟಿಷೆರ್ ಹಲ್ಕಟ್ ಬುದ್ದಿ ಬುಡಂದಿನವು ಅಕಲೆನ ಆಂಕಾರ, ಸಾಮ್ರಾಜ್ಯಶಾಹಿ ತೋಜಿದ್ ಬರ್ಪುಂಡು.