Last updated on August 15th, 2023 at 02:18 pm
ಮಸ್ಕತ್ ಆಗೋಸ್ಟ್ 11 : ತೌಳವ ಬೊಲ್ಪು ಮಸ್ಕತ್ ಕೂಟೊರ್ದು ಆಟಿ ತಿಂಗೊಲ್ದ ಮಿನದನದ ಲೇಸ್ ಕರಿನ ಸುಕ್ರಾರ ಆಗೋಸ್ಟ್ 11ತ್ತಾನಿ ಸೀಬ್‌ದ ಅಲ್ ಸಾಲ್ಮಿ ಫಾರ್ಮ್ ಹೌಸ್‌ಡ್ ನಡತ್ಂಡ್.
ಊರುರ್ದು ಬೈದಿ ಬಿನ್ನೆರಾಯಿನ ಪ್ರೇಮ ಶೆಟ್ಟಿ, ರಮಣಿ ಹೆಗ್ಡೆ, ಲತಾ ಶೆಟ್ಟಿ, ರತ್ನ ಕುಮಾರಿ ರೈ ಲೇಸ್‌ದ ಉದಿಪನ ಮಲ್ತ್‌ದ್ ಆಟಿ ತಿಂಗೊಲ್ದ ಆಚರಿಪುಲು, ಗೊಬ್ಬು, ತೆನಾಸ್‌ಲೆನ ಪೊಲಬು ಬೊಕ್ಕ ಲೇಸ್‌ಗ್ ಎಡ್ಡೆಪ್ಪುದ ಮದಿಪು ಕೊರಿಯೆರ್. ಕೂಟದ ಮಾತಾ ಪದುಕೆರ್ ಆಟಿ ತಿಂಗೊಳ್ಡು ಮಲ್ಪುನ ಒಂಜೊಂಜಿ ತೆನಸ್ ಲೆನ್ ಮಲ್ತ್‌ದ್ (ಕುಡುತ್ತ ಚಟ್ನಿ, ಕಾಯಿಕುಕ್ಕುದ ಚಟ್ನಿ, ಪೊಡಿಎಟ್ಟಿ ಚಟ್ನಿ, ಉಪ್ಪಡ್ ಪಚ್ಚಿರ್, ತೆಕ್ಕರೆ ತಲ್ಲಿ, ಪೂಂಬೆ ಪಲ್ಯ, ಮೆತ್ತೆತೊಪ್ಪುದ ಪಲ್ಯ, ಪತ್ರಡ್ಡೆ, ಮಂಜೊಲ್ ಇರೆತ್ತ ಗಟ್ಟಿ, ತೆಕ್ಕರೆದಡ್ಯೆ, ಕೊಟ್ಟಿಗೆ, ಮೆತ್ತೆ ಗಂಜಿ, ಮುಂಚೆ ಪೋಡಿ) ಕನತ್ತಿತ್ತೆರ್. ತುಳುನಾಡ್‌ದ ಗೊಬ್ಬುಲಾಯಿನ ಲಗೋರಿ, ಕಾರ್ಚೆಂಡ್,ಎದುರುಕತೆ ಪಂತ, ತುಳು ಸಬ್ದೋಲೆನ ಪಂತ ನಡತ್ಂಡ್.
