Last updated on August 15th, 2023 at 04:43 pm
ಬಂಜಿ ಬೇನೆ ಪಂದ್ ಆಸ್ಪತ್ರೆಗ್ ದಾಕಲಾದಿತ್ತಿನ ಜವನೆ, ಸುಳ್ಯ ಶಾಂತಿನಗರ ನಿವಾಸಿ ಸಂಜೀವೆರೆನ ಮಗೆ ಶ್ರೀಜಿತ್‌ (17) ಮರ್ದ್ ಪಲಿಪಂದೆ ಕುಡ್ಲದ ಖಾಸಗಿ ಆಸ್ಪತ್ರೆಡ್ ತೀರ್ದೆರ್.
ಮೆರೆಗ್ ಬಂಜಿ ಬೇನೆ ತೋಜಿದ್‌ಬತ್ತ್‌ದ್, ಐತಾರ ಬೇನೆ ಜೋರಾದಿತ್ತ್ಂಡ್. ಇಲ್ಲದಕುಲು ಸುಳ್ಯದ ಸರ್ಕಾರಿ ಆಸ್ಪತ್ರೆಗ್ ಸೇರಾದಿತ್ತೆರ್. ಸೋಮಾರ ಮೆರೆನ್ ಕುಡ್ಲದ ಖಾಸಗಿ ಆಸ್ಪತ್ರೆಗ್ ಸೇರಾದೆರ್. ಅಲ್ಪ ಮರ್ದ್ ಪಲಿಪಂದೆ ತೀರ್ದೆರ್. ಜವನನ ಸಾವುಗು ಖಾಸಗಿ ಆಸ್ಪತ್ರೆದ ಬೈದ್ಯೆರೇ ನೆವನ ಪಂದ್ ಆರೋಪಿತ್‌ದ್ ಆಸ್ಪತ್ರೆದ ಎದುರು ಸೋಮಾರ ಬಯ್ಯಡ್ ಜವನನ ಇಲ್ಲದಕುಲು ಅಂಚೆನೇ ಕುಟುಮೊದಕುಲು ಪ್ರತಿಭಟನೆಗ್ ಜತ್ತಿನ ನಡಕೆಲಾ ನಡತ್‌ದ್ಂಡ್.