Last updated on August 17th, 2023 at 02:40 pm
ಗೂವೆಲ್‌ಗ್ ಲಾಗಿದ್ ಪೊಸ ಮದ್ಮಯೆ ಒರಿ ಆತ್ಮಹತ್ಯೆ ಮಲ್ತೊಂದಿನ ನಡಕೆ ವಿಟ್ಲ ಪೊಲೀಸ್ ಸ್ಟೇಶನ್ ಸೀಮೆದ ಪೆರಾಜೆಡ್ ನಡತ್‌ದ್ಂಡ್.
ಪ್ರಶಾಂತ್ ನಾಯ್ಕ (29) ಆತ್ಮಹತ್ಯೆ ಮಲ್ತೊಂದಿನ ಜವನೆ. ಪ್ರಶಾಂತ್ ನೇರಳಕಟ್ಟೆ ಅಗ್ರಿ ಪನ್ಪಿ ಸಂಸ್ಥೆಡ್ ಬೇಲೆ ಮಲ್ತೊಂದಿತ್ತ್‌ದ್, ಒಂಜಿ ವರ್ಸೊಗು ದುಂಬು ಮದಿಮೆ ಆದಿತ್ತೆರ್. ಸಾಮಾಜಿಕವಾದ್‌ಲಾ ಎಡ್ಡೆ ಪುದರಿತ್ತಿನ ಮೇರ್ ಬಿಜೆಪಿದ ಸಕ್ರಿಯ ಕಾರ್ಯಕರ್ತೆರಾದಿತ್ತೆರ್.
ಇಲ್ಲದ ಲಡಯಿ ಪ್ರಶಾಂತ್ ಆತ್ಮಹತ್ಯೆ ಮಲ್ತೊನರೆ ನೆವನ ಆದುಪ್ಪು ಪಂದ್ ಅಲ್ಪದಕುಲು ಪಾತೆರೊಂದುಲ್ಲೆರ್. ವಿಟ್ಲ ಪೊಲೀಸ್ ಸ್ಟೇಶನ್‌ಡ್ ಈ ಬಗ್ಗೆ ಪ್ರಕರಣ ದಾಕಲಾದ್, ಪೊಲೀಸೆರ್ ಜಡ್ತೆ ಮಲ್ತೊಂದುಲ್ಲೆರ್.