Last updated on August 21st, 2023 at 07:42 am
ಸುಮಾರ್ ಪತ್ತ್ ವರ್ಸದ ದುಂಬು ಮಲಯಾಳಿಲು ಜಾಸ್ತಿ ಉಪ್ಪುನ ಕಾಲೇಜಿಲೆಡ್ ಕಾಲಿ ಅಕುಲೇ ಸೇರ್‌ದ್ ಓಣಂ ಪನ್ಪಿನ ಕೇರಳದ ಪರ್ಬೊನು ತುಳುನಾಡ್‌ದ ಇಂಜಿನಿಯರಿಂಗ್ ಕಾಲೇಜಿಲೆಡ್ ಮಲ್ತೊಂದಿತ್ತೆರ್. ಇತ್ತೆ ಉಂದು ಮಲಯಾಳಿಲು ಮಾತ್ರ ಅತ್ತಂದೊ ನಮ್ಮ ತುಳುವೆರ್ನ ಜೋಕುಲೇ ದುಂಬು ಉಂತುದು ಮಲ್ಪಾವುನ ಲೇಸ್‌ಲೆಕ್ಕ ಪ್ರತಿಯೊಂಜಿ ಕಾಲೇಜ್‌ಲೆಡ್ಲಾ ಆವೊಂದುಂಡು.
ಓಣಂ ಮಲ್ಪಡ್, ಅವೆಕ್ ವಿರೋಧ ಇಜ್ಜಿ. ಆಂಡ ನಮ್ಮ ತುಳುವ ಜೋಕುಲು ಏತ್ ತುಳುನಾಡ ಪರ್ಬೊಲೆನ್ ಇಂಜಿನಿಯರಿಂಗ್ ಕಾಲೇಜಿಡ್ ಮಲ್ಪುವೆರ್? ತುಕ ಏತ್ ಕಾಲೇಜ್‌ಲೆಡ್ ಆಟಿಡೊಂಜಿ ದಿನ ಆಪುಂಡು? ಏತ್ ಕಾಲೇಜ್‌ಲೆಡ್ ತುಳುನಾಡ ಉತ್ಸವೊಲು ಆಪುಂಡು ಆತ್ ಪೂರಾ ಬುಡ್ಲೆ ಏತ್ ಕಾಲೇಜ್‌ಲೆಡ್ ಸರಿಯಾದ್ ಬೇಲೆ ಮಲ್ಪುನ ತುಳು ಸಂಘೊಲು ಉಂಡು?
ತುಳುನಾಡ್‌ದ ಜೋಕುಲೆಗ್ ಬೇತೆ ಸಂಸ್ಕೃತಿದಂಚಿ ಪಕ್ಕ ಒಂದುನ ಒಂಜಿ ಮರ್ಲ್, ಉಂದೆಕ್ ತುಳುವೆರೇ ಆದಿತ್ಚಿನ ಲೆಕ್ಚರರ್ ನಕುಲುಲಾ ಮನಿಪುಜೆರ್. ನಮ್ಮ ಶಾಲೆಲೆಡ್ ನಮ್ಮ ಕಾಲೇಜಿಲೆಡ್ ನಮಕ್ ಜಾಗ ದಾಂತಿಲೆಕ್ಕ ಆತ್ಂಡ್. ನಿಕುಲು ಬೇತಕಲೆನ್ ಮಂಡೆಡ್ ತುಂಬೊನಿನ 10% ನಿಕುಲು ಪುಟುದು ಬಲತಿನ ತುಳುನಾಡ್‌ನ್ ತುಳು ಬಾಸೆನ್ ನಮ್ಮ ಇನೆದಾಂತಿ ಪರಪೋಕುನು ಮಂಡೆಡ್ ತುಂಬೊಂದಿತ್ತರ್ಡ ಇನಿ ತುಳುಕು ಮಾನಾದಿಗೆ ಕೊರ್ಲೊ ಪನ್ದ್ ಅಲ್ಪ ಮುಲ್ಪ ನಟ್ಟುನ ಪರಿಸ್ಥಿತಿ ಬೈದಂಡ್.