Last updated on August 21st, 2023 at 10:51 am
ಬೆಂಗಳೂರುಡು ನಡತಿನ ದೇವರಾಜ್ ಅರಸುಲೆನ ಪುಟ್ಟು ದಿನೊತ್ತ ಲೇಸ್‌ಡ್ ಪಾತೆರಿನ ಹರಿಪ್ರಸಾದ್ ಸಿಎಂನ ಮಿತ್ತ್ ಬೆಚ್ಚ ಆಯೆರ್. ಪಾತೆರ್ರೆ ಸುರು ಮಲ್ಪೊಡ್ಡ ದುಂಬು ಬೇತೆ ಲೇಸ್‌ಗ್ ಪೋರೆ ಇಪ್ಪುನೆರ್ದ್ ಸಿಎಂ ಸಿದ್ದರಾಮಯ್ಯ ಅಲ್ಪರ್ದ್ ಪಿದಡಿಯೆರ್. ಅಪಗ ಬಿ ಕೆ ಹರಿಪ್ರಸಾದ್ ಎನ್ನ ಪಾತೆರೊನು ಸಿಎಂ ಕೇಂದೊಡು ಪಂದ್ ಪಂಡೆರ್.
ಪಿರಬೂರ್ದಿನ ಜಾತಿಲೆನ್ ಮಿತ್ತ್ ಕನಪುನು ಪಂಡ ಮಿತ್ತ ಜಾತಿಗ್ ಅಧಿಕಾರೊ ಕೊರ್ಪುನತ್ತ್, ನಮ್ಮ ರಾಜ್ಯೋಡು ದಿಂಜ ಎಲ್ಯ ಎಲ್ಯ ಜಾತಿಲು ಉಲ್ಲ ಅಕ್ಲೆಗ್ ಅಧಿಕಾರೊನು ಕೊರೊಡು. ಅರೆಸೆರ್ನ ಕಾಲೋಡು ಎಂಕುಲು ಅರೆನ್ ವಿರೋಧ ಮಲ್ತ್ಂಡಲಾ ಎಂಕ್ಲೆನ್ ಲೆತ್ತ್ ಅಧಿಕಾರ ಕೊರ್ತೆರ್. ಇತ್ತೆ ದಕ್ಲೆನ್ ಚೂರು ವಿರೋಧ ಮಲ್ತ್ಂಡಲಾ ಪಗೆಮಾನಿ ಲೆಕ್ಕ ತೂಪೆರ್ ಪಂದ್ ಪಂಡೆರ್.