Last updated on August 21st, 2023 at 02:25 pm
ಬೈಕ್‌ನ್ ತಾರಾಮರ ಗೆಡತ್‌‌ದ್ ರಾಜ್ಯ ಪೆರ್ಸಾದಿದ ನಡುಟು ಉಂತುದು ಸಮಾಜೊದ ಶಾಂತಿಭಂಗ ಮಲ್ತೊಂದಿತ್ತಿನ ಗಾಂಜಾ ವ್ಯಸನಿನ್ ಕೊಣಾಜೆ ಪೊಲೀಸೆರ್ ಮಂಡೆಕರ್ಚಿ ಮಲ್ತ್‌ದ್ ಪತ್ತ್‌ದೆರ್.
ಉಳ್ಳಾಲ ಮುಕ್ಕಚ್ಚೇರಿ ಕೈಕೋ ನಿವಾಸಿ ಅಬೂಬಕರ್ ಸಿದ್ದೀಖ್‌( 24) ಕೈದಾತಿನ ಆರೋಪಿ.
ಗಾಂಜಾ ಒಯ್ತ್‌ದ್ ಬೈಕ್‌ಡ್ ತಾರಾಮರ ಬತ್ತಿನ ಆರೋಪಿ ಕೈಟ್ ಬೀಸತ್ತಿ ಬೊಕ್ಕ ಕಲ್ಲ್ ಪತೊಂದು ಸಾರ್ವಜನಿಕವಾದ್ ಆತಂಕ ಉಂಡುಮಲ್ತೊಂದಿತ್ತೆ. ಅಲ್ಪದಕುಲು ಕೊಣಾಜೆ ಪೊಲೀಸೆರೆಗ್ ಒಲವು ಕೊರ್ದು, ಜಾಗೆಗ್ ಬತ್ತಿನ ರಿಟೈರ್ಡ್ ಯೋಧೆ ಸಂತೋಷ್ ಪಿರವುರ್ದು ಲಾಕ್ ಮಲ್ತ್‌ದ್ ಸಿದ್ದೀಖ್‌ನ್ ಕೈದ್ ಮಲ್ತೆರ್. ಈ ಪೊರ್ತುಡು ಅವ್ವೇ ಸ್ಟೇಶನ್‌ದ ಕುಡೊರಿ ರಿಟೈರ್ಡ್ ಯೋಧೆ ಪೂರ್ಣೇಶ್ ಅಂಚೆನೇ ಕುಡೊರಿ ಸಿಬ್ಬಂದಿ ಇತ್ತೆರ್.
ಈ ನಡಕೆದ ವೀಡಿಯೋ ಸಾಮಾಜಿಕ ಬಲೆತ್ತಾನೊಡು ವೈರಲ್ ಆತ್ಂಡ್.