ಯು ಟಿ ಖಾದರ್ನ ಜಾಗೋಡು ನಡಪುಂಡು ನಾಗೆರೆ ಪಂಚಮಿ !

Last updated on August 21st, 2023 at 06:45 pm

ವಿಟ್ಲ ದಲ್ಪ ಪುಣಚ ಪರಿಯಾಲ್ತಡ್ಕಡ್ ಸ್ಪೀಕರ್ ಯು ಟಿ ಖಾದರ್‌ಗ್ ಸೇರ್ದಿನ ಎಕ್ರೆಗಟ್ಟಲೆ ಪಿತ್ರಾರ್ಜಿತ ಜಾಗೆ ಉಂಡು. ಅವೆಟ್ಟ್ ತಾರೆ ಕಂಗ್‌ದ ಬೆನ್ನಿ ಉಂಡು, ಆ ಜಾಗೆಡ್ ಇಪ್ಪುನ ನಾಗನ ಕಲ್ಲ್‌ಗ್ ಇನಿಕ್ಲಾ ನಾಗೆರೆ ಪಂಚಮಿದಾನಿ ತನು ಮೈಪುವೆರ್.

ಪಿರಾಕ್‌ಡ್ ಈ ಜಾಗೆ ದಳವಾಯಿ ಕುಟುಮೊ ದಕ್ಲೆನ ಕೈಟ್ಟ್ ಇತ್ತ್ಂಡ್, ಡಿಕ್ಲರೇಷನ್‌ದ ಪೊರ್ತುಡು ಈ ಜಾಗೆ ಉ ಟಿ ಖಾದರ್ನ ಪೆರಿಯಕ್ಲೆಗ್ ಸೇರ್ದ್, ಬೊಕ್ಕ ಕಾಲೊಡು ಯು ಟಿ ಖಾದರ್ಗ್ ಸೇರ್ದಿತ್ತ್ಂಡ್.

ಕಾಲ ಕರಿನೇ ದಳವಾಯಿ ಕುಟುಮೊ ದಕ್ಲೆಗ್ ಬಂಗ ಬತ್ತ್ಂಡ್, ಪ್ರಶ್ನೆಡ್ ನಾಗಬನನ್ ಸಮ ಮಲ್ತ್ ಅಲ್ಪ ನಾಗಗ್ ತನು ಮೈಪೊಡು ಪಂದ್ ತೋಜಿದ್ ಬತ್ತ್ಂಡ್ ಅಪಗ ಕುಟುಮೊದಕುಲು ಪತ್ತ್ ಸೆನ್ಸ್ ಜಾಗ ಗೆತೊನರೆ ದುಂಬು ಬರ್ಪೆರ್. ಉನೇನ್ ತೆರಿನ ಯು ಟಿ ಖಾದರ್ ಇರ್ವ ಸೆನ್ಸ್ ಜಾಗೋನು ಕುಟುಮೊಗು ಒವ್ವೆ ಪಣವು ಗೆತೊನಂದೆ ಬುರ್ದು ಕೊರ್ಪೆರ್. ಇನಿಕ್ಲಾ ನಾಗೆರೆ ಪಂಚಮಿದಾನಿ ಈ ಜಾಗೋಡು ನಾಗಗ್ ದಳವಾಯಿ ಕುಟುಮೊದಕುಲು ತನು ಮೈಪುವೆರ್.