Last updated on August 24th, 2023 at 01:55 pm
ಕಟ್ವಾನೊದ ಕಜವುನು ಸಾದಿಬರಿಟ್ ಪಾಡಿನಾಯಗ್ ಕುಡ್ಲ ಮಹಾನಗರ ಪಾಲಿಕೆ 4000 ರೂಪಾಯಿ ದಂಡ ಪಾಡ್ದ್ಂಡ್. ಸಾರ್ವಜನಿಕ ಜಾಗೆಡ್ ಕಜವು ಪಾಡುನ ತೋಜಿದ್ ಬತ್ತ್ಂಡ ಕ್ರಮ ಗೆತೊನುವ ಪಂದ್ ಎಚ್ಚರ್ಗೆ‌ಲಾ ಕೊರ್ತುಂಡು.
ಉರ್ವದ ಮಣ್ಣಗುಡ್ಡೆಡಿಪ್ಪುನ ಕೆನರಾ ಹೈಸ್ಕೂಲ್‌ದ ಮುಟ್ಟದ ಲಕ್ಷ್ಮೀ ಸದನದ ಎದುರು ಫುಟ್‌ಪಾತ್‌ಡ್ ವ್ಯಕ್ತಿಯೊರಿ ಕಟ್ವಾನೊದ ಕಜವುಲೆನ್ ಗೋಣಿಡ್ ದಿಂಜಾದ್ ಕನತ್‌ದೀದಿತ್ತೆರ್. 20ರ್ದ್‌ಲಾ ಎಚ್ಚು ಗೋಣಿಲು ಅಲ್ಪ ಇತ್ತ. ಈ ಬಗ್ಗೆ ಒಲವು ತಿಕ್ಕಿನ ಪಾಲಿಕೆ ಅಧಿಕಾರಿಲು ಬೊಕ್ಕ ಸಿಬ್ಬಂದಿಲು ಅಡೆ ಪೋದು ಕಜವು ದೆಪ್ಪೆರ ಸೂಚನೆ ಕೊರ್ದು, ಅಡೆ ಕನತ್ ದೀತಿನ ಜನಕ್ ದಂಡಲಾ ಪಾಡ್ದೆರ್.
ನಗರಪಾಲಿಕೆ ಸೀಮೆದ ಸಾರ್ವಜನಿಕ ಜಾಗೆಲೆಡ್ ಅಂಚೆನೇ ಸಾದಿ ಬರಿಟ್ ಅವುಲವುಲು ಪಜಿ ಬೊಕ್ಕ ನುಂಗೆಲ್ ಕಜವು, ಕಟ್ವಾನೊಲೆನ ತ್ಯಾಜ್ಯೊನು ದೊರ್ತೊಂದುಪ್ಪುನ ಗೇನೊಗು ಬೈದ್ಂಡ್. ಉ್ಂದೆರ್ದಾವರ ಪೇಂಟೆದ ಪೊರ್ಲು ತೆಟ್ಟೊಂದುಂಡು. ಕೆಲ ಕಡೆಟ್ ಕಜವುದನೇ ರಾಶಿ ಆದ್ ಮಸ್ತ್ ತೊಂದರೆ ಆವೊಂದುಂಡು. ಇಂಚಿನೆನ್ ಉಂತಾಯೆರ ಬೊಕ್ಕ ಅಂಕೆಡ್ ದೀವರ ಪಾಲಿಕೆ ಎದುರು ತೂಪುಂಡು ಪಂದ್ ಆಯುಕ್ತೆರ್ ಪ್ರಕಟಣೆಡ್ ತೆರಿಪಾದೆರ್.