Last updated on August 24th, 2023 at 05:54 pm
ಪುತ್ತೂರು: ಬೀಸತ್ತಿ ಕುತ್ತುದು ಗಾತಿದ ಗಡಿಯಾದಿತ್ತಿ ಪೊಣ್ಣನ್ ಕುಡ್ಲಗ್ ಆಸ್ಪತ್ರೆಗ್ ಲೆತೊಂದು ಪೋನಗ ಪೋಪಿ ಸಾದಿಡೇ ತೀರ್ದೆರ್ ಪಂದ್ ತೆರಿದ್ ಬೈದ್ಂಡ್.
ಜವನ್ದಿಗ್ ಪಟ್ಟ ಪಗೆಲ್‌ಡೇ ಬೀಸತ್ತಿ ಪಾಡ್ದಿವ ಪ್ರಕರಣೊಡು ಆರೋಪಿನ್ ಬಂಟ್ವಾಳ ತಾಲೂಕ್‌ದ ಕುಕ್ಕುದಕಟ್ಟೆದಲ್ಪ ವಶೊಕು ಗೆತೊಂದೆರ್ ಪನ್ಪಿನ ಒಲವು ತಿಕ್ಕ್‌ದ್ಂಡ್.
ಆರೋಪಿ ಮಣಿನಾಲ್ಕೂರು ಗ್ರಾಮೊದ ನೈಬೇಲ್ ನಿವಾಸಿ ಪದ್ಮರಾಜ್ ಪಂದ್ ತೆರಿದ್‌ಬೈದ್ಂಡ್. ಉ್ಂಬ್ಯೆ ಜೆಸಿಬಿ ಆಪರೇಟರ್‌ ಆದ್ ಬೇಲೆ ಮಲ್ತೊಂದಿತ್ತೆ.
ವ್ಯಕ್ತಿಯೊರಿ ಜವನ್ದಿಗ್ ಬೀಸತ್ತಿ ಪಾಡ್ದ್ ಪದ್ರಾಡಾತಿನ ನಡಕೆ ಪುತ್ತೂರು ಮಹಿಳಾ ಪೊಲೀಸ್ ಸ್ಟೇಷನ್‌ದ ಬರಿಟ್ ಇನಿ, ಆಗಸ್ಟ್ 24ತ ಗುರುವಾರ ಮಧ್ಯಾಹ್ನ ನಡತಿತ್ತ್ಂಡ್.
ಗಾತಿದ ಗಡಿಯಾದಿತ್ತಿನ ಪೊಣ್ಣು ವಿಟ್ಲದ ಅಳಿಕೆದ ಗೌರಿ (18) ಪಂದ್ ತೆರಿದ್‌ಬೈದ್ಂಡ್.
ಪುತ್ತೂರು ಪೇಂಟೆಗ್ ಬತ್ತಿತ್ತಿನ ಜವನ್ದಿ ಪುತ್ತೂರ್‌ದ ಮಹಿಳಾ ಪೊಲೀಸ್ ಸ್ಟೇಷನ್‌ದ ಬರಿಟ್ ನಡತೊಂದು ಪೋನಗ, ಒರರ್ದೊರನೆ ಬತ್ತಿನ ಪದ್ಮರಾಜ್ ಬೀಸತ್ತಿ ಪಾಡ್ದ್ ಪದ್ರಾಡಾತೆ
ಪೆಟ್ಟಾದಿತ್ತಿನ ಪೊಣ್ಣನ್ ಪೊಲೀಸೆರ್ ಆಸ್ಪತ್ರೆಗ್ ಲೆತೊಂದು ಪೋನಗನೇ ಪೋಪಿ ಸಾದೀಡೇ ಆಲ್ ತೀರ್ದಲ್. ಪುತ್ತೂರು ಬಸ್ ಉಂತಡೆದ ಬರಿತ ಒಂಜಿ ಅಂಗಡಿಡ್ ಬೇಲೆ ಮನ್ತೊಂದಿತ್ತಲ್ ಪಂದ್ ತೆರಿದ್‌ಬೈದ್ಂಡ್.