Last updated on August 25th, 2023 at 07:57 am
ಮುಲ್ಕಿಡ್ ನಡತಿನ ಸೌಜನ್ಯಗ್ ನ್ಯಾಯ ದೆಪ್ಪಾದ್ ಕೊರ್ಪುನ ಪ್ರತಿಭಟನೆಡ್ ಸೌಜನ್ಯನ ಅಪ್ಪೆ, ಮಹೇಶ್ ಶೆಟ್ಟಿ ತಿಮರೊಡಿ ಜನಕ್ಲೆನ ಒಟ್ಟುಗು ಪಾತೆರಿಯೆರ್. ಸೌಜನ್ಯನ ಅಪ್ಪೆ ಪಾತೆರಿನೆ,ಒರ್ಂಬ ಮಾಗನೆದ ಬಪ್ಪನಾಡ್‌ದ ಉಲ್ಲಾಲ್ದಿ ನ್ಯಾಯ ದೆಪ್ಪಾದ್ ಕೊರ್ಪೆರ್ ಪಂದ್ ಆಯೋಜಕೆರ್ನಕುಲು ಪಂಡೆರ್.
ಮಹೇಶ್ ಶೆಟ್ಟಿ ತಿಮರೊಡಿ ಪಾತೆರ್ದ್, ಮಹೇಶ್ ಶೆಟ್ಟಿ ತಿಮರೊಡಿನ ದೊಂಡೆ ಉಂತಾರೆ ಬಾರಿ ಪುನೆಪು ಬರೊಂದುಲ್ಲೆರ್ ಆಂಡ ಒರಿ ತಿಮರೊಡಿನ ದೊಂಡೆ ಉಂತುಡ ಸಾರ ತಿಮರೊಡಿ ನಕುಲು ಬರ್ಪೆರ್ ಪಂದ್ ಪಂಡೆರ್.
ಆಗಸ್ಟ್ 24ಕ್ಕ್ ಮುಲ್ಕಿ ಬಸ್ ಉಂತಡೆಡ್, ಸೌಜನ್ಯಗ್ ನ್ಯಾಯ ದೆಪ್ಪಾದ್ ಕೊರ್ಪುನ ಪ್ರತಿಭಟನೆಗ್ ಬೈದಿನ ಸೌಜನ್ಯನ ಅಪ್ಪೆ ಸಭೆಟ್ಟ್ ಕನನೀರ್ ಗೆತ್ತೆರ್. ಈ ಸಭೆಕ್ಕ್ ಬಾರಿ ಜನ ಸೇರ್ದಿತ್ತೆರ್.
ನ್ಯಾಯ ನಟ್ಟರೆಗ್ ಇನಿ ಬಪ್ಪನಾಡ್‌ಗ್ ಬೈದೆ, ಎನ್ನ ಬಾಲೆನ್ ರಕ್ಕಸೆರ್ ತುಚ್ಚಿ ತುಚ್ಚಿದ್ ಕೆರ್ತೆರ್. ನಿಕ್ಲೆಡ ನ್ಯಾಯ ಕೇನೊಂದುಲ್ಲೆ, ನ್ಯಾಯ ಕೊರ್ಲೆ ಪಂದ್ ಸಭೆಟ್ಟ್ ಸೆರಂಗೊಡ್ದಾದ್ ನ್ಯಾಯ ನಟ್ಟಿಯೆರ್.