Last updated on August 25th, 2023 at 11:43 am
ಕುಡ್ಲ : ಲೋನ್ ಆ್ಯಪ್‌ಡ್ ಕಡ ದೆತೊನಿನ ಪೊಣ್ಣಗ್, ಅಲೆನ ನಗ್ನ ಪಟ ಎಡಿಟ್ ಮಲ್ತ್ ವೈರಲ್ ಮಲ್ಪುನ ಬೆದರಿಕೆ ಪಾಡಿನ ಬಗೆಟ್ ಕುಡ್ಲದ ಸೆನ್ ಪೋಲೀಸ್ ಉಂತಡೆಡ್ ಪ್ರಕರಣ ಪಾಡ್ದೆರ್.
ಪೊಣ್ಣು ಒರ್ತಿ, ಎಪ್ರೀಲ್ 15ಕ್ಕ್ ಗೂಗಲ್‌ಪ್ಲೇಸ್ಟೋರುಡು ಕ್ವಿಕ್ ಮನಿ ಪನ್ಪಿ ಪುದರ್‌ದ ಆ್ಯಪ್ ಡೌನ್‌ಲೋಡ್ ಮಲ್ದಿತ್ತೊಲು. ಅವೆಟ್ 10000 ರೂ ಸಾಲೊಗು ಅಪ್ಲೈ ಮಲ್ದಿತ್ತೊಲು. ಅಪಗನೇ ಅಲೆನ ಅಕೌಂಟುಗು ಅಕುಲು 7500 ಪಾಡ್ದಿತ್ತೆರ್. ಉಂದೆನ್ ಆಲ್ ಪಿರ ಕಟ್ಟ್‌ದ್ ಸಾಲ ಮುಗಿತಿತ್ತೊಲು. ಒಂತೆ ದಿನ ಕರಿನೇ ವಾಟ್ಸಾಪ್‌ಡ್ ಫೋನ್ ಮಲ್ತಿನ ಅಕುಲು ಕುಡ ಕಡ ದೆತೊನೊಡು ಪನ್ದ್ ಒತ್ತಾಯ ಮಲ್ತ್ ಅಲೆನ ಅಕೌಂಟುಗು 14,000 ಪಾಡ್ದಿತ್ತೆರ್. ಅವೆನ್ಲಾ ಪೊಣ್ಣು ಪಿರ ಕಟ್ಟ್‌ದಿತ್ತೊಲು. ಆಂಡಲ ಅಕುಲು ಕುಡ ಕುಡ ಫೋನ್ ಮಲ್ತ್ ಎಚ್ಚಿನ ಕಾಸ್ ಕಟ್ಟೊಡು ಪನ್ದ್ ರಂದೊಂದಿತ್ತೆರ್‌ಗೆ. ಅಂಚ ಪನ್ದ್ ಅಲೆನ ಅಕೌಂಟುರ್ದು 51,000 ರೂ ಉಲಯಿ ಪಾಡೊಂದೆರ್. ಕುಡ ಕಾಸ್ ಕೊರೊಡು ಇಜಿಂಡ ನಿನ್ನ ಪಟೊನು ಆನನೊಟ್ಟುಗು ನಂಗ ಉಪ್ಪುಲೆಕ್ಕ ಎಡಿಟ್ ಮಲ್ತ್ ನಿನ್ನ ಇಲ್ಲದಕಲೆಗ್ ಬೊಕ್ಕ ಫ್ರೆಂಡ್ಸ್‌ನಕಲೆಗ್ ಕಡಪಾವ ಪನ್ದ್ ಪೋಡಿಗೆ ಕಟ್ಟಾದೆರ್ ಪನ್ದ್ ಒಯಿಲ್‌ಡ್ ಕೊರ್ತೆರ್.