ಬಿಜೆಪಿ ಒಚ್ಚುನಾಯೆ ದಾಂತಿನ ವಾಡದಲೆಕ್ಕ ಆತ್ಂಡ್ – ಎಂ.ಪಿ ರೇಣುಕಾಚಾರ್ಯ

Last updated on August 27th, 2023 at 07:49 am

ಈತ್ ದಿನ ಆಂಡಲ ಒಂಜಿ ವಿರೋಧ ಪಕ್ಷದ ನಾಯಕೆ ಅಂಚೆನೆ ರಾಜ್ಯಾಧ್ಯಕ್ಷನ ನೇಮಕ ಆತಿಜಿ. ಬಿಜೆಪಿ ಒಂಜಿ ಒಚ್ಚುನಾಯೆ ದಾಂತಿನ ವಾಡದಲೆಕ್ಕೊ ಆತ್ಂಡ್, ಯಡಿಯೂರಪ್ಪನ್ ದೂರ ಮಲ್ತೊನೊನಿನೆಕ್ಕ್ ಬಿಜೆಪಿಗ್ ಇಂಚಿನ ಅವಸ್ಥೆ ಬೈದ್ಂಡ್ ಪನ್ದ್ ಮಾಜಿ ಸಚಿವೆ ಎಂ.ಪಿ ರೇಣುಕಾಚಾರ್ಯೆರ್ ಪನ್ಡೆರ್.

ದಾವಣಗೆರೆತ ಹೊನ್ನಾಳಿಡ್ ಮಾಧ್ಯಮೊಲೆನೊಟ್ಟುಗು ಪಾತೆರಿನ ಮೇರ್, ಕೆಲವೆರೆನ ತಪ್ಪುಗು ಎಂಕುಲು ಮಾತೆರ್ ಓಟುಡು ಸೋಪೊಡಾಂಡ್ ಪನ್ದ್ ಬೆಸರ್ ಪಿದಯಿ ಪಾಡಿಯೆರ್. ಯಾನ್ ಬಿಜೆಪಿರ್ದ್ ಲೋಕಸಭಾ ಟಿಕೆಟ್ ಆಕಾಂಕ್ಷಿ. ಕರ್ನಾಟಕದ ರಾಜಕಾರಣೊನು ಓಲೋ ಕುಲ್ಲೊಂದು ಏರಾ ಕಂಟ್ರೋಲ್ ಮಲ್ತೊಂದುಲ್ಲೆರ್. ಉಂದು ನನ ದುಂಬುದ ಲೋಕಸಭಾ ಓಟುಡು ಪರಿಣಾಮ ಬೂರುಂಡು. ಯಾನ್ ಕಾಂಗ್ರೇಸ್ ಸೇರುಜಿ, ಸೋತಿನಕುಲು ಅಕಲೆಗ್ ದಾಯೆಗ್ ಪನ್ದ್ ಪನ್ಡೆರ್.