Last updated on August 9th, 2022 at 04:14 pm
ಇಂಚಪ್ಪೊಗು ರಾಜ್ಯಡ್ ನಡತಿನ ಪ್ರವೀಣೆರ್ನ ಸಾವುದ ವಿಷಯೊಡು ಬಿಜೆಪಿದ ಕಾರ್ಯಕರ್ತೆರ್ ಮಾತೆರ್ ಬೆಚ್ಚೊಡುಲ್ಲೆರ್ ಮಾತ್ರ ಅತ್ತಂದೆ ಇಂಚೆನೆ ದುಂಬರಿಂಡ ನನೊರ ಗೆಂದರೆ ಬಂಗ ಆವು ಪನ್ದ್ ಬಿಜೆಪಿದ ಪೆರಿಯಾಕ್ಲು ರಾಜ್ಯ ಬಿಜೆಪಿಡ್ ಮಲ್ಲ ಮಟ್ಟ್’ದ ಬದಲಾವಣೆ ಮಲ್ಪರೆ ಪಿದಡ್ದೆರ್ ಪನ್ದ್ ತೆರಿದ್ ಬರೊಂದುಂಡು. ಈ ತಿಂಗೊಲ್ದ ಕಡೆಕ್ ನಳೀನೆರ್ನ ಅವದಿ ಮುಗಿಯುಂಡು ಅವೆರ್ದ್ ಬೊಕ್ಕ ನನ ದುಂಬುಗು ಗಟ್ಟಿ ವ್ಯಕ್ತಿತ್ವ ಉಪ್ಪುನ ಎರೆನಾಂಡಲಾ ರಾಜ್ಯಾಧ್ಯಕ್ಷೆ ಮಲ್ಪೊಡು ಪನ್ಪಿನ ಪಾತೆರ ಕೇನೊಂದುಂಡು. ರಾಜ್ಯಾಧ್ಯಕ್ಷೆರ್ನ ರೇಸ್’ಡ್ ಶೋಭಾ ಕರಂದ್ಲಾಜೆ, ಸಿ ಟಿ ರವಿ, ಅರವಿಂದ ಲಿಂಬಾವಳಿ ಮೊಕ್ಲೆನ ಪುದರ್ ಪೂರಾ ದುಂಬುಡುಂಡು. ನನ ಏರ್ ಆಪೆರ್ ಪನ್ಪಿನ ತೆರಿದ್’ಜಿ. ಪಕ್ಷದ ಪೆರಿಯಾಕುಲು ಸಿಎಂನ ಕಾರ್ಯವೈಕರಿದ ಬಗೆಟ್’ಲಾ ಕುಸಿಟಿಜ್ಜೆರ್ ಆಂಡ ಇತ್ತೆ ಸಿಎಂ ಬದಲಾಂಡ ರಾಜ್ಯೊಡು ಬೇತೆನೆ ಸಂದೇಶ ಪೋವು ಪನ್ದ್ ಬದಲ್ ಮಲ್ಪಯೆರ್. ಸಚಿವ ಸಂಪುಟ ಬದಲಾಪಿನಲಾ ಸಾಧ್ಯತೆ ಉಂಡು. ಕಾಲಿ ಮೋದಿನ ಪುದರ್’ಡ್ ಗೆಂದರೆ ಆವಂದ್ ಪನ್ದ್ ಅಕಲೆಗ್ ತೆರಿದ್ ಬೈದ್ಂಡ್. ಅಂಚಾದ್ ಮಲ್ಲ ಮಟ್ಟ್’ಡ್ ಪಕ್ಷೊಡು ಬದಲಾವಣೆ ಈ ತಿಂಗೊಲುಡು ನಡಪುಂಡು.
