ಬಂಟ್ವಾಳ : ರಾತ್ರೆ ಅಪ್ಪೆನ ಬೆತ್ತಡಿಡ್ ಜೆಯಿದಿನ ಮಗಲ್ ಲಕ್ಕಿನೇ ಇಜ್ಜಿ, ಹೃದಯಾಘಾತೊಡು ತೀರಿನ ಮಿತ್ರಾ ಶೆಟ್ಟಿ

Last updated on August 31st, 2023 at 09:14 am

ಪೊಣ್ಣೊರ್ತಿ ರಾತ್ರೆ ಜೆಯಿದಿನಲ್ಪನೇ ಹೃದಯಾಘಾತ ಆದ್ ತೀರಿನ ನಡಕೆ ಬಂಟ್ವಾಳ ತಾಲೂಕುದ ಕಾವಳಪಡೂರುಡು ನಡದ್ಂಡ್. ಕಾವಳಪಡೂರುದ ಮದ್ವಗುತ್ತುದ ರಾಜೀವ್ ಶೆಟ್ಟಿ ಬೊಕ್ಕ ಮೀನಾ ದಂಪತಿಲೆನ ಮಗಲ್ ಮಿತ್ರಾಶೆಟ್ಟಿ ತೀರಿನ ಪೊಣ್ಣು.

ಬಿ.ಸಿ ರೋಡುಡು ಬೇಲೆಗ್ ಪೋವೊಂದಿತ್ತಿನ ಮಿತ್ರಾ ಮೇರ್ ಅಂಗಾರೆ ರಾತ್ರೆ ವನಸ್ ಮಲ್ತ್ ಅಪ್ಪೆನೊಟ್ಟುಗು ಜೆಯಿದಿತ್ತೆರ್ಗೆ. ಕಾಂಡೆ ಪೊರ್ತು ಕಡೆಸ್‌ದ್ಲಾ ಮಗಲ್ ಲಕ್ಕಂದಿನ ತೂದು ಅಪ್ಪೆ ಲಕ್ಕಾನಗ ಆರ್ ತೀರಿನ ತೆರಿದ್ ಬೈದ್ಂಡ್.

ಬಂಟ್ವಾಳ ಸರಕಾರಿ ಆಸ್ಪತ್ರೆಡ್ ಪರೀಕ್ಷೆ ಮಲ್ತ್ ಮೆರೆನ ಸಾವುಗು ಹೃದಯಾಘಾತ ನೆವನ ಪನ್ದ್ ತೆರಿದ್ ಬೈದ್ಂಡ್.