Last updated on August 31st, 2023 at 12:04 pm
ನನ ದುಂಬಗ್ ಪ್ರೈವೇಟ್ ಬಸ್ಲೆಗ್ ಡೋರ್ ಕಡ್ಡಾಯವಾದ್ ಇಪ್ಪೊಡು. ಕುಡ್ಲ ಪೊಲೀಸ್ ಕಮೀಷನರ್ ಕುಲ್‌ದೀಪ್ ಕುಮಾರ್ ಜೈನ್ ಈ ಬಗ್ಗೆ ಆದೇಶ ಕೊರ್ತೆರ್.
ನಂತೂರ್‌ಡ್ ಪ್ರೈವೇಟ್ ಸಿಟಿ ಬಸ್‌ರ್ದ್ ರೋಡ್‌ಗ್ ರಟ್ಟ್‌ದ್ ಬಸ್ಸ್‌ದ ಕಂಡಕ್ಟರ್ ಜೂವ ಕಲೆವೊಂದಿನೆರ್ದಾನರ ಮಾತಾ ಪ್ರೈವೇಟ್ ಬಸ್ಲೆಗ್ ನನ ಡೋರ್ ಕಡ್ಡಾಯ ಪಂದ್ ಪೊಲೀಸ್ ಕಮೀಷನರ್ ಆದೇಶ ಕೊರ್ತೆರ್.
ಬಾಗಲಕೋಟೆ ಜಿಲ್ಲೆದ ನಿವಾಸಿ, ಇತ್ತೆ ತೊರತ್ತಲ್ ತಡಂಬೈಲ್‌ಡ್ ಇತ್ತಿನ ಈರಯ್ಯೆ (23) ಪನ್ಪಿನ ಬಸ್ ಕಂಡಕ್ಟರ್ ಅಂಗಾರೆ ಮದ್ಯಾನ 15 ನಂಬ್ರದ ಬಸ್ ಕದ್ರಿ ಕೆಪಿಟಿರ್ದ್ ಬತ್ತ್‌ದ್ ನಂತೂರು ಸರ್ಕಲ್‌ಡ್ ಒರಾನೆ ತಿರ್ಗಿನೆರ್ದಾವರ ಪಿದಯಿ ರಟ್ಟ್‌ದ್ ತರೆಕ್ ಪೆಟ್ಟಾದ್ ತೀರ್ದಿತ್ತೆ. ಸೀದ ಸಾದಿಗ್ ಬೂರ್ದಿನ ಕಂಡಕ್ಟರ್‌ನ್ ಅಲ್ಪ ಇತ್ತಿನ ಪೊಲೀಸೆರ್ ಬೊಕ್ಕ ಸಾರ್ವಜನಿಕೆರ್ ಸೇರ್ದ್ ಜವನನ್ ಆಸ್ಪತ್ರೆಗ್ ಸೇರಾದಿತ್ತೆರ್. ಈ ನಡಕೆದ ವಿಡಿಯೋ ಎದುರುದ ಗಾಡಿದ ಫ್ರಂಟ್ ಕ್ಯಾಮರಾಡ್ ರೆಕಾರ್ಡ್ ಆದಿತ್ತ್ಂಡ್.
ಕಂಡಕ್ಟರ್ ಸೇರ್ದ್ ಏರ್ಲಾ ಫುಟ್‌ಬೋರ್ಡ್‌ಡ್ ಉಂತರೆ ಇಜ್ಜಿ. ಒಂತೆ ಕಡೆಸ್ಸ್ಂಡಲಾ ಮಲ್ಲೆ ಇಜ್ಜಿ, ಸೇಫ್ಟಿ ಸುರುಕು ತೂವೊನ್ಲೆ ಪಂದ್ ಕಮಿಷನರ್ ಪಂತೆರ್.