Last updated on September 2nd, 2023 at 07:38 am
ಕುಡ್ಲ : ಸಾಂಪ್ರದಾಯಿಕ ಆಚರಣೆದೊಟ್ಟುಗು ಜಾಗ್ರತೆ ಗೆತೊನೊಡು ಪನ್ದ್ ಕುಡ್ಲ ನಗರದ ಪೋಲೀಸ್ ಕಮಿಷನರ್ ಮಾರ್ಗಸೂಚಿ ಪಿದಡ್ಪಾದೆರ್.
ಈ ಕೊಜಪು ಕಡ್ಯ ಲೇಸ್ ಮಲ್ಪುನಕುಲು ಕಡ್ಡಾಯವಾದ್ ಪೋಲೀಸೆರೆನ ಅನುಮತಿ ದೆತೊನೊಡು. ಕಡ್ಯೊಲೆನ್ 14 ಅಡಿ ಮುಟ್ಟ ಮಾತ್ರ ಎತ್ತರ ಕಟ್ಟೊಡು, ಕಡ್ಯ ಬುಡ್ದ್ ಬೇತೆ ದಾಲಾ ಕಟ್ಟರೆ ಬಲ್ಲಿ. ಕಡ್ಯ ದರ್ಪುನ ಸ್ವಯಂ ಸೇವಕೆರೆನ ಮಿತ್ತ್ ಚೌಲಿ ನೀರ್ ಪಾಡರೆ ಬಲ್ಲಿ ಪನ್ಪಿನ ಬಗೆಟ್ ಸ್ಪಷ್ಟ ಸೂಚನೆ ಬೈದ್ಂಡ್.
ಈ ಬಗೆಟ್ ಪಾತೆರಿನ ಕುಡ್ಲದ ಪೋಲೀಸ್ ಕಮಿಷನರ್ ಕುಲದೀಪ್ ಜೈನ್ ಮೇರ್, ಕೆಲವು ಮಾರ್ಗಸೂಚಿ ಕೊರ್ತ, ಸಂಘಟಕೆರ್ ಈ ಬಗೆಟ್ ಗಮನ ಕೊರೊಡು. ಪೋಲೀಸ್ ಇಲಾಖೆ ಕೊರ್ತಿನ ಪೊರ್ತುಮುಟ್ಟ ಮಾತ್ರ ಧ್ವನಿವರ್ಥಕ ಗಲಸೊಡು. ಡಿಜೆ ಪೂರಾ ಗಲಸರೆ ಅವಕಾಶ ಇಜ್ಜಿ. ಸುರಕ್ಷತೆಗ್ ಸುರುತ ಆದ್ಯತೆ ಕೊರೊಡು ಪನ್ದ್ ಸ್ಪಷ್ಟ ಆದೇಶ ಕೊರ್ತೆರ್.
ಪೋಲೀಸ್ ಮಾರ್ಗಸೂಚಿಡ್ ಕೆಲವು ಪಾಯಿಂಟುಲು :
- ಕಡ್ಯ ಕಟ್ಟುನಗ ಸಾರ್ವಜನಿಕ ಬಂಡಿಲೆಕ್ ತೊಂದರೆ ಆವರೆ ಬಲ್ಲಿ
- ಪೋಲೀಸ್ ಇಲಾಖೆ ಪನ್ತಿನ ಜಾಗೊಡು ಮಾತ್ರ ಮೆರವಣಿಗೆ ಪೋವೊಡು
- ಒವ್ವೇ ಧರ್ಮ, ಸಮುದಾಯದ ಭಾವನೆಗ್ ಬೇನೆ ಆಪಿನಂಚಿನ ಟ್ಯಾಬ್ಲೋ ಉಪ್ಪರೆ ಬಲ್ಲಿ
- ಸುಪ್ರೀಂ ಕೋರ್ಟ್ ಆದೇಶದ ಲೆಕ್ಕ ರಾತ್ರೆ 10 ಗಂಟೆ ಮುಟ್ಟ ಮಾತ್ರ ಧ್ವನಿವರ್ದಕೊಲೆನ್ ಗಲಸೊಡು.
ಇಂಚ ಕೆಲಾವು ಸೂಚನೆಲೆನ್ ಕೃಷ್ಣಜನ್ಮಾಷ್ಟಮಿಗ್ ಕೊರ್ತೆರ್.