Last updated on September 4th, 2023 at 09:48 am
ಇಲ್ಲಡ್ ದಿನೋಲಾ ಲಡಯಿ ಮಲ್ತೊಂದಿತ್ತಿನ ಜೋಕುಲೆನ ಬಗ್ಗೆ ಬೆಸರ್‌ಡ್ ಅಪ್ಪೆ ಒರ್ತಿ ಆತ್ಮಹತ್ಯೆ ಮಲ್ತೊಂದೆರ್. ಮುಲ್ಕಿ ಲಿಂಗಪೈಕಾಡ್‌ದ ಕೊರಂಡೊಟ್ಟು ಕಾಲೋನಿದ ಸುಮಿತ್ರಾ (44) ಪನ್ಪಿನಾರ್ ಇಲ್ಲಡ್ ಬಲ್ಲ್ ಪಾಡೊಂದು ಆತ್ಮಹತ್ಯೆ ಮಲ್ತೊಂದಿತ್ತ್‌ದ್, ಸುಮಿತ್ರಾರೆನ ಜೋಕುಲು ಮಂಜುನಾಥೆ (25), ಸಂಜೀವೆ (22) ಬೊಕ್ಕ ಪ್ರಹ್ಲಾದ್ (ಪ್ರಭು-19) ಪನ್ಪಿನಕಲೆನ್ ಪೊಲೀಸೆರ್ ಕೈದ್ ಮಲ್ದೆರ್.
ಆತ್ಮಹತ್ಯೆಗ್ ಪ್ರಚೋದನೆ ಕೊರ್ತಿನ ಆರೋಪಡ್ ಮೂವೆರೆನ್ ಮುಲ್ಕಿ ಪೊಲೀಸೆರ್ ಕೈದ್ ಮಲ್ದೆರ್. ಗುರುವಾರ ರಾತ್ರೆ ಪರೊಂದು ಬತ್ತ್‌ದ್ ಇಲ್ಲಡ್ ಲಡಯಿ ಮಲ್ತೊಂದೆರ್ ಪಂದ್ ನಿರೆಕರೆತಕುಲು ಪೊಲೀಸೆರೆಗ್ ತೆರಿಪಾದೆರ್. ಕುಡ್ಚೆಲ ಜೋಕುಲೆನ ನಿಚ್ಚೊದ ಕೊಲಲರ್ದ್ ಸುಮಿತ್ರಾ ಬೆಸರ್‌ಡಿತ್ತೆರ್ ಪಂದ್ ಅಲ್ಪದಕುಲು ಪನ್ತೆರ್. ಶುಕ್ರವಾರ ಕಾಂಡೆ ಸುಮಿತ್ರಾ ತನ್ನ ಅದೆಟ್ ಸೀರೆ ಗಲಸ್‌ದ್ ಬಲ್ಲ್ ಪಾಡೊಂದಿನ ಸ್ಥಿತಿಟ್ ತಿಕ್ಕ್‌ದೆರ್. ಇಲ್ಲಡ್ ಸುಮಿತ್ರಾ ಬೊಕ್ಕ ಆರೆನ ಜೋಕುಲು ಮಾತ್ರ ಇಪ್ಪೆದೆರ್.