Last updated on September 4th, 2023 at 12:13 pm
ಕೈಟ್ ಕಾಸ್ ಇಜ್ಜಂಡಲಾ ಆಂಜೊವುನಕುಲು KSRTC ಬಸ್‌ಡ್ ಪೋವೊಲಿ. ಅಂದ್, ಬೇಗೊಡೇ KSRTC ಬಸ್ಲೆಡ್ UPI ಪೇಮೆಂಟ್ ವ್ಯವಸ್ಥೆ ಬರ್ಯೆರೆಗುಂಡು.
ಇನಿತ ಡಿಜಿಟಲ್ ಲೋಕೊಡು ಗೂಡಂಗಡಿರ್ದ್ ಪತ್ತಿನ ಮಲ್ಲ ಮಲ್ಲ ಹೈಪರ್ ಮಾಲ್‌‌ಲೆಡ್ಲಾ ಡಿಜಿಟಲ್ ಪೇಮೆಂಟ್ ಪನ್ಪಿನ ಸಾಮಾನ್ಯ ಆತ್ಂಡ್. ಅಂಚೆನೇ KSRTC ಬಸ್‌‌ಲೆಡ್ಲಾ UPI ಪೇಮೆಂಟ್ ವ್ಯವಸ್ಥೆ ಕನಯೆರೆ ಅಟ್ಟನೆ ಆವೊಂದುಂಡು.
KSRTC ಬಸ್‌ಡ್ ದಿನೋಲಾ ಕಂಡಕ್ಟರ್ ಬೊಕ್ಕ ಪ್ರಯಾಣಿಕೆರೆ ನಡುಟು ಚಿಲ್ಲರೆಗ್ ಲಡಯಿ ಆವೊಂದೇ ಇಪ್ಪುಂಡು. ಉ್ಂದೆನ್ ತಪ್ಪಾಯೆರ ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ ನಿಗಮ KSRTC ಬಸ್ಲೆಡ್ ಯುಪಿಐ ಪೇಮೆಂಟ್ ವ್ಯವಸ್ಥೆನ್ ಕನಯೆರ ತೂವೊಂದುಂಡು.
ಪಣವುದಾಂತಿನ ಪೇಮೆಂಟ್‌ದ ಮುಕೇನ ಗ್ರಾಹಕೆರೆಗ್ ಅಂಚೆನೇ ಸಾರಿಗೆ ಸಿಬ್ಬಂದಿಲೆಗ್ ಅನುಕೂಲ ಮಲ್ತ್ ಕೊರ್ಪಿನ ಕೆಎಸ್‌ಆರ್‌ಟಿಸಿ ಉದ್ದೇಶೊ ಆದಿತ್ತ್‌ದ್, ನನ ಬಸ್ಲೆಡ್ ಕ್ಯೂಆರ್ ಕೋಡ್ ದೀದ್ ಪ್ರಯಾಣಿಕೆರ್ ಪೇಟಿಎಂ, ಫೋನ್ ಪೇ, ಗೂಗಲ್ ಪೇಡ್ ಕಾಸ್ ಕಡಪುಡ್ದ್, ಟಿಕೆಟ್‌ ಗೆತೊನೊಲಿ.