Last updated on September 7th, 2023 at 04:45 pm
ಪಿದಯೂರುಗು ಅಕ್ರಮವಾದ್ ಕೊನೊವೊಂದುಪ್ಪುನ ಪೊರ್ತುಡು ಪಣಂಬೂರು ಬಂದರ್ ಕಸ್ಟಮ್ಸ್ ಅಧಿಕಾರಿಲು ವಶೊಕುಗೆತೊಂದಿನ ರಕ್ತಚಂದನನ್ ಏಲಂ ಮಲ್ದೆರ್. ಉ್ದೆನ್ 3 ಪ್ರತಿಷ್ಠಿತ ಏಜೆನ್ಸಿಲು ಆನ್‌ಲೈನ್‌ಡ್ 28 ಕೋಟಿ ರೂಪಾಯಿಗ್ ಬಿಡ್‌ಡ್ ಗೆತೊಂದೆರ್.
2008ರ್ದ್ 2023 ಮುಟ್ಟ 4 ಪ್ರಕರಣೊಲೇಡ್ ಕಸ್ಟಮ್ಸ್ ಅಧಿಕಾರಿಲು ವಶೊಕು ಗೆತೊಂದಿನ ಸುಮಾರ್ 56.2 ಮೆಟ್ರಿಕ್ ಟನ್ ರಕ್ತಚಂದನನ್ ಏಲಂಗ್ ಪಾಡ್ದಿತ್ತೆರ್. ಕುಡ್ಲ ಬಂದರ್‌ರ್ದ್ ಅಕ್ರಮವಾದ್ ಪಿದಯೂರುಗು ಕಂಡ್‌ದ್ ಕೊನೊವೊಂದಿತ್ತಿನ ರಕ್ತಚಂದನ ಉ್ಂದಾದಿತ್ತ್ಂಡ್. ಸುಪ್ರೀಂಕೋರ್ಟ್‌ದ ನಿರ್ದೇಶನೊದ ಲೆಕ್ಕ ರಾಜ್ಯ ಅರಣ್ಯ ಇಲಾಖೆಯ ಆನ್‌ಲೈನ್‌ಡ್ ಏಲಂ ಪಾಡ್ದ್ಂಡ್.
ಒಟ್ಟು 2,094 ಕುಂಟೆಲು ಇತ್ತಿನ 56.2 ಮೆಟ್ರಿಕ್ ಟನ್ ರಕ್ತಚಂದನೊನು ಏಜೆನ್ಸಿಲು ಏಲಂಡ್ ಗೆತೊಂದ. ಎ ಕೆಟಗರಿ 3 ಲಾಟ್, ಬಿ ಕೆಟಗರಿ 6 ಲಾಟ್, ಸಿ ಕೆಟಗರಿ 6 ಲಾಟ್, ಡಿ ಕೆಟಗರಿ 3 ಲಾಟ್‌ದ ಲೆಕ ಪಾಲ್ ಮಲ್ತಿತ್ತ್ಂಡ್. ಒಟ್ಟು 18 ಲಾಟ್‌‌ಡ್ ನ್ಯಾಚುರಲ್ ಕನ್ನೊಜೆನ್ಸಿ ಏಜೆನ್ಸಿ 10 ಲಾಟ್‌ಗ್ 14.5 ಕೋಟಿ ರೂ. ಬಿಡ್ ಅಂಚೆನೇ ಯಮಾ ರಿಬನ್ಸ್ ಏಜೆನ್ಸಿ ಲಾಟ್‌ಗ್ 4.2ಕೋಟಿ ರೂ. ಬಿಡ್ ಒಟ್ಟುಗು ಅಕ್ಷಾ 3 ಲಾಟ್ ಗ್ 1.6 ಕೋಟಿ ರೂ.ಗೆ ಬಿಡ್‌ಗ್ ಗೆತೊಂದೆರ್. ಮೂರು ಬಿಡ್‌ದ ಒಟ್ಟು ಅಮೌಂಟ್ ತಿರ್ವೆ ಸೇರ್ದ್ 28 ಕೋಟಿ ರೂ. ಆತ್ಂಡ್. ಚೀನಾ, ದುಬೈ, ಜಪಾನ್ ಸೇರ್ದ್ ಬೇತೆ ದೇಶೊಲೆಡ್ಲಾ ರಕ್ತಚಂದನೊಗು ಡಿಮ್ಯಾಂಡ್ ಇತ್ತ್‌ದ್, ಗೆತೊಂದಿನ ಕಂಪೆನಿಲು ಈ ದೇಶೊಲೆಗ್ ಕೊನೊಯೆರೆ ಉಲ್ಲ.