ತಿಗಲೆ ಸೀಕ್ ಉಪ್ಪುನ ಬಾಲೆಗ್ ಸಾಯ ಮಲ್ಪರೆ ಸೀ ಫೋಕ್ ಪನ್ಪಿ ಏಸ ಪಾಡಿನ ರವಿ ಕಟಪಾಡಿ

Last updated on September 7th, 2023 at 09:33 pm

ರವಿ ಕಟಪಾಡಿ ಪನ್ಪಿನ ಪುದರ್‌ನ್ ತುಳುನಾಡೊರ್ಮೆದ ಜನಕುಲು ಕೇನ್ದುಪ್ಪುವೆರ್. ಪ್ರತೀ ವರ್ಸ ಅಸ್ಟೆಮಿಗ್ ವಿಶೇಷ ಏಸ ಪಾಡ್‌ದ್ ಪನವು ಒಟ್ಟು ಮಲ್ತ್ ಅವೆನ್ ಪಾಪದಕಲೆಗ್ ಪಟ್ಟುನ ಒರಿ ಪೆರ್ಮೆದ ತುಳುವೆ ಮೇರ್.

ಕರಿನ 8 ವರ್ಸೊಡು ಸುಮಾರ್ 1 ಕೋಟಿ 13 ಲಕ್ಷ 70 ಸಾರದಾತ್ ಪನವು ಒಟ್ಟು ಮಲ್ತ್ ಮೇರ್ 113 ಜನಕ್ ಸಾಯ ಮಲ್ದೆರ್. ಈಯೊಡು ಉಸಾರ್ ದಾಂತೆ ಜರ ತೆಮ್ಮ ಇತ್ತ್ಂಡಲಾ ಈತ್ ವರ್ಸ ಮಲ್ತೊಂದು ಬೈದಿನೆನ್ ಬುಡರೆ ಬಲ್ಲಿ ಪನ್ದ್ ಏಸ ಪಾಡ್ದೆರ್. ಸುಮಾರ್ 10 ಗಂಟೆ ವರ್ಣ ಕಲಾವಿದೆರೆನ ಬೆನ್ನಿಡ್ ಈ ಸೀಫೋಕ್ ಪನ್ಪಿನ ಏಸ ತಯಾರಾತ್ಂಡ್. ಈಯೊಡು ಒಟ್ಟಾಪಿನ ಪನವುನು ಕುಂದಾಪುರತ ಒಂಜಿ ಬಾಲೆಗ್ ತಿಗಲೆದ ಸೀಕ್‌ದ ಮರ್ದ್‌ಗ್ ಕೊರ್ಪೆರ್ ಪನ್ದ್ ತೆರಿದ್ ಬೈದ್ಂಡ್.