Last updated on September 11th, 2023 at 06:17 pm
ಬೆಂಗಳೂರುಡು ಇನಿ ರಾಜ್ಯಸರಕಾರೊನು ವಿರೋಧಿಸಾದ್ ಖಾಸಗಿ ಗಾಡಿದ ಡ್ರೈವರ್‌ನಕುಲು ಬಂದ್ ಘೋಷಣೆ ಮಲ್ದಿತ್ತೆರ್. ಚಾಳುಕ್ಯ ಸರ್ಕಲ್ ಫ್ಲೈ ಓವರ್‌ದ ಮಿತ್ತ್ ಬರೊಂದಿತ್ತಿನ ರಾಪಿಡೋ ಬೈಕ್‌ದಾಯನ್ ಪ್ರತಿಭಟನೆ ಮಲ್ಪುನಕುಲು ಉಂತಾದ್, ಆಯಗ್ ಪೆಟ್ಟ್ ಪಾಡಿನ ವೀಡಿಯೋ ಇತ್ತೆ ವೈರಲ್ ಆತ್ಂಡ್.
ಸರಕಾರ ಮಲ್ದಿನ ಶಕ್ತಿ ಯೋಜನೆರ್ದ್ ರಿಕ್ಷಾದಕಲೆಗ್, ಕ್ಯಾಬ್‌ದಕಲೆಗ್ ನಷ್ಟ ಆತ್ಂಡ್, ಉಂದೆಕ್ ಸರಕಾರ ಪರಿಹಾರ ಕೊರೊಡು ಪನ್ದ್ ಇನಿ ಕರ್ನಾಟಕ ರಾಜ್ಯ ಖಾಸಗಿ ಸಾರಿಗೆ ಸಂಸ್ಥೆಲೆನ ಒಕ್ಕೂಟೊರ್ದ್ ಬೆಂಗಳೂರು ಬಂದ್ ನಡತೊಂದಿತ್ತ್ಂಡ್.
ಈ ಪೊರ್ತುಡು ರಾಪಿಡೊ ಬುಡೊಂದಿತ್ತಿನಾಯನ್ ಉಂತಾದ್ ರಿಕ್ಷಾ ಡ್ರೈವರ್‌ನಕುಲು ಆಯಗ್ ಬೊಕ್ಕ ಪಿರವುಡು ಉಂತಿನಾಯಗ್ ಪೆಟ್ಟ್ ಪಾಡಿಯೆರ್. ಮೌರ್ಯ ಸರ್ಕಲ್‌ಡ್ ಒರಿ ಟ್ಯಾಕ್ಸಿ ಡ್ರೈವರ್‌ಗ್ಲಾ ಪೆಟ್ಟ್ ಪಾಡಿಯೆರ್.