ಉದ್ಯಮಿಗ್ ಬಿಜೆಪಿದ ಟಿಕೆಟ್ ಕೊರ್ಪಾವೆ ಪನ್ದ್ ಕೋಟ್ಯಾಂತರ ರೂ ವಂಚನೆ, ಚೈತ್ರಾ ಕುಂದಾಪುರ ಅರೆಸ್ಟ್

Last updated on September 13th, 2023 at 08:40 am

ಒಡಿಪು ಜಿಲ್ಲೆದ ಬೈಂದೂರುದ ಉದ್ಯಮಿ ಗೋವಿಂದ ಬಾಬು ಪೂಜಾರಿ ಪನ್ಪಿನಾರ್ ಬೈಂದೂರ್ ಕ್ಷೇತ್ರದ ಬಿಜೆಪಿದ ಟಿಕೆಟ್ ಆಕಾಂಕ್ಷಿ ಆದಿತ್ತೆರ್. ಮೆರೆಗ್ ಟಿಕೆಟ್ ದೆಪ್ಪಾದ್ ಕೊರ್ಪೆ ಪನ್ದ್ ಚೈತ್ರಾ ಕುಂದಾಪುರ ಬೊಕ್ಕ ಪಾಸಾಡಿಲು ಮೆರೆಡ ಕೋಟಿ ಕೋಟಿ ಕಾಸ್ ದೆತೊಂದು ಪತ್ತಾದೆರ್ ಪನ್ದ್ ವಂಚನೆ ಪ್ರಕರಣ ದಾಖಲಾದಿತ್ತ್ಂಡ್.

ಒಡಿಪು ಕೃಷ್ಣಮಠತ ಪಾರ್ಕಿಂಗ್‌ಡ್ ಸಿನಿಮೀಯ ರೀತಿಡ್ ಬೆಂಗಳೂರು ಸಿಸಿಬಿ ಪೋಲೀಸೆರ್ ಚೈತ್ರನ್ ಪತ್ತಿಯೆರ್. ಚೈತ್ರನ ಒಟ್ಟುಗು ಶ್ರೀಕಾಂತ್ ನಾಯಕ್ ಪೆಲತ್ತೂರುನ್ಲಾ ವಶೊಕು ದೆತೊನ್ದು ವಿಚಾರಣೆ ಮಲ್ತೊಂದುಲ್ಲೆರ್. ವಂಚನೆ ಪ್ರಕರಣದ ಪ್ರಮುಖ ಆರೋಪಿ ಚೈತ್ರಾ ಮೇರ್ ನಾಲ್ ಐನ್ ಜನ ಪಾಸಾಡಿಲೆನ್ ಪತೊಂದು ಕೇಂದ್ರ ನಾಯಕೆರೆನ, ಆರ್ಎಸ್ಎಸ್ ಪ್ರಮುಖೆರೆನ ಬಗೆಟ್ ಕಲು ಪನ್ದ್ 7 ಕೋಟಿ ವಂಚನೆ ಮಲ್ದೆರ್ ಪನ್ದ್ ಒಯಿಲ್‌ಡ್ ಉಂಡು.