Last updated on August 10th, 2022 at 03:53 pm
ಭಾರತ ದೇಶೊಡು ಒಟ್ಟು 22 ಬಾಸೆಲೆಗ್ ಸಂವಿಧಾನದ 8ನೇ ಪರಿಶ್ಚೇದೊಡುಪ್ಪುನ ಮಾನಾದಿಗೆ ಉಂಡು. ಐತೊಟ್ಟುಗು ಏತೋ ಬಾಸೆಲು ತನ್ಕುಲೆನ ರಾಜ್ಯೊಲೆಡ್ ರಾಜ್ಯದ ಬಾಸೆಲಾದ್ ಮೆರೆಯೊಂದುಲ್ಲ. ಆಂಡ ನನಲ ಕರ್ನಾಟಕದಂಚಿನ ಕೆಲವು ರಾಜ್ಯೊಲು ತನ್ನ ನೆಲತವೇ ಬಾಸೆಲೆಗ್ ಸ್ಥಾನಮಾನ ಕೊರಿಯರೆ ದುಂಬು ಪಿರ ತೂವೊಂದುಲ್ಲ. ಇಂಚಪ್ಪ ಬಾಸೆಲೆನ ಜನಕುಲು ಪೂರಾ ಸೇರ್ದ್ ಆಗಸ್ಟ್ 15ಕ್ಕ್ ಟ್ವಿಟರ್’ಡ್ ಒಂಜಿ ಅಭಿಯಾನ ಮಲ್ತೊಂದುಲ್ಲೆರ್. ಈ ಅಭಿಯಾನೊಡು ತುಳು, ಕೊಡವ, ಬಡಗ, ಬೋಜ್’ಪುರಿ, ಅವಧಿ, ಲಡಾಕಿ ಇಂಚಿನ ಸುಮಾರು ಬಾಸೆಲೆನ ಜನಕುಲು ಪಾಲ್ ಪಡೆಯೊನ್ವೆರ್. ತನ್ಕುಲೆನ ಪುಟ್ಟಿ ನೆಲಟ್ ತನ್ಕುಲೆನ ಬಾಸೆಲೆಗ್ ಸುರುಟು ಮಾನಾದಿಗೆ ಕೊರ್ಲೆ ಪನ್ಪಿನ ಇಸಯೊಡು ಈ ಪೊರುಂಬಾಟ ನಡಪುಂಡು.
