Last updated on September 14th, 2023 at 08:53 am
ಕುಡ್ಲ : ಬುಡ್ದ್ ಬುಡ್ದ್ ಬರ್ಸ ಬರೊಂದಿಪ್ಪುನೆರ್ದಾವರ ಡೆಂಗ್ಯೂದ ಪ್ರಕರಣೊಲು ಜಾಸ್ತಿ ಆವೊಂದುಲ್ಲ. ಕುಡ್ಲ ಜಿಲ್ಲೆಡ್ ಕರಿನ ರಡ್ಡ್ ತಿಂಗೊಲುಡು ಒಟ್ಟು 40 ಡೆಂಗ್ಯೂ ಪ್ರಕರಣೊಲು ದಾಖಲಾತ ಪನ್ದ್ ಆರೋಗ್ಯಾಧಿಕಾರಿ ಡಾ।ನವೀನ್ ಚಂದ್ರ ಕುಲಾಲ್ ತೆರಿಪಾಯೆರ್.
ಕರಿನ ವರ್ಸೊಗು ತೂಕುಂಡ ಈ ವರ್ಸ ಡೆಂಗ್ಯೂ ಪ್ರಕರಣೊಲು ಕಮ್ಮಿ. ಆಂಡ ಇತ್ತೆ ಬುಡ್ದ್ ಬುಡ್ದ್ ಬರ್ಸ ಬರೊಂದಿಪ್ಪುನೆರ್ದಾವರ ಡೆಂಗ್ಯೂ ಜಾಸ್ತಿ ಆಪಿನ ಸಾಧ್ಯತೆ ಉಂಡು. ಜಿಲ್ಲೆಡ್ ಒಟ್ಟು 198 ಡೆಂಗ್ಯೂ ಪ್ರಕರಣ ದಾಖಲಾತ್ಂಡ್, ಅವೆಟ್ 40 ಪ್ರಕರಣ ಕರ್ನ ರಡ್ಡ್ ತಿಂಗೊಲುರ್ದು ಬೈದಿನವು ಪನ್ದ್ ಪನ್ಡೆರ್.