Last updated on September 16th, 2023 at 08:43 am
ಶಂಕಿತ ಉಗ್ರೆ ಶಿವಮೊಗ್ಗದ ಅರಾಫತ್ ಅಲಿನ್ ರಾಷ್ಟ್ರೀಯ ತನಿಖಾ ಸಂಸ್ಥೆದಕುಲು ಕೈದ್ ಮಲ್ತಿನ ಬೆರಿಟ್ ಎನ್ಐಎದಕುಲು ಕುಡ್ಲ ಕುಕ್ಕರ್ ಬಾಂಬ್ ಸ್ಪೋಟದ ಈಡ್ ದಾದ ಆದಿತ್ತ್ಂಡ್ ಪನ್ದ್ ತೆರಿಪಾಯೆರ್.
ತುಳುನಾಡ್‌ದ ಪಿರಾಕ್‌ದ ದೇವಲ್ಯ ಕದ್ರ ಮಂಜುನಾಥ ದೇವಲ್ಯೊನು ಬಾಂಬ್ ಪಾಡ್ದ್ ಪುಡಪುನ ಪುನೆಪುನು ಉಗ್ರೆರ್ ಮಲ್ದಿತ್ತೆರ್ ಪನ್ದ್ ಅಧಿಕೃತವಾದ್ ಎನ್ಐಎ ಪನ್ಡೆರ್.
ದೇಶದೊರ್ಮೆ ಸುಮಾರ್ ವಿಧ್ವಂಸಕ ಕೃತ್ಯ ಮಲ್ದಿನ ಭಟ್ಕಳ ಬ್ರದರ್ಸ್‌ಲೆಕ್ಕನೇ, ತೀರ್ಥಹಳ್ಳಿ ಬ್ರದರ್ಸ್ ಬ್ಲೂ ಪ್ರಿಂಟ್‌ನ್ ಶಾರೀಕ್ ರೆಡಿ ಮಲ್ದಿತ್ತೆ. ಕುಡ್ಲಡ್ ಕುಕ್ಕರ್ ಬಾಂಬ್, ಗೋಡೆ ಬರವು, ಟ್ರಯಲೊ ಬ್ಲಾಸ್ಟ್‌ಡ್ ಇತ್ತಿನ ಶಾರೀಕ್, ಮಾಝ್, ಅರಾಫತ ಅಲಿ, ಅಬ್ದುಲ್ ಮತೀನ್. ಯಾಸೀನ್ ಮೊಕುಲು ಪೂರಾ ತೀರ್ಥಹಳ್ಳಿದಕುಲೇ.