Last updated on September 16th, 2023 at 04:23 pm
ತುಳುನಾಡ್‌ಡ್ ನಾಗಗ್ ಇಸೇಸ ತಾನಮಾನ ಉಂಡು. ವಾ ಜಾತಿ ಧರ್ಮೊದಕುಲ್ಲಾ ನಾಗನ ವಿಚಾರೊಡು ಎದುರು ಪಿರ ತೂದು ನಡತೊನುವೆರ್. ಬೇತೆ ಧರ್ಮೊದಕುಲ್ಲಾ ನಾಗನ ವಿಚಾರೊಗು ತರೆ ಪಾಡುನಲಾ ಇಜ್ಜೆರ್. ಆಂಡ ಒರಿ ಉತ್ತರ ಕರ್ನಾಟಕ ಮೂಲೊದಾಯೆ ಉಚ್ಚುಗು ಡೀಸೆಲ್ ಚೇತ್‌ದ್ ವಿಕೃತಿ ತೋಜಾದೆ, ಆಂಡ ಇತ್ತೆ ಆಯೆನೇ ಆಸ್ಪತ್ರೆಡ್ ನರಲೊಂದುಲ್ಲೆ.
ಕರಿನ ಒಂಜಿ ವಾರೊದ ದುಂಬು ಕಿನ್ನಿಗೋಳಿಡ್ ಮಲ್ಲ ಕಟ್ವಾನೊದ ಬರಿಟೊಂಜಿ ಎಡ್ಡೆನ್ನ ಉಚ್ಚು ಒಂಜಿ ತೂಯೆರ ತಿಕ್ಕ್‌ದಿತ್ತ್ಂಡ್. ಉತ್ತರ ಕರ್ನಾಟಕೊದ ಕಾರ್ಮಿಕೆ ಒರಿ ಅವೆಕ್ ಡೀಸೆಲ್ ಚೇತ್‌ದೆ, ಡೀಸೆಲ್‌ರ್ದಾವರ ಉಚ್ಚು ಮೈ ಉರಿರ್ದ್ ಪುಡೆರ್ಯೆರೆ ಪತ್ತ್‌ದ್ಂಡ್. ಆಪಗನೇ ಅಲ್ಪದಕುಲು ಉರಗ ರಕ್ಷಕೆ ಯತೀಶ್ ಕಟೀಲ್‌ರೆಗ್ ವಿಷಯ ತೆರಿಪಾದ್ ಉಚ್ಚುಗು ಮರ್ದ್ ಮಲ್ತ್‌ದ್, ಉಸಾರಾಪುಲೆಕ ಮಲ್ತ್ ಕಡಪುಡ್ಯೆರ್. ಆಂಡ ಇತ್ತೆ ಡಿಸೇಲ್ ಚೇತಿನ ಕಾರ್ಮಿಕೆ ಮೈ ಉರಿತ ಸಮಸ್ಯೆರ್ದಾವರ ನರಲೊಂದಿತ್ತ್‌ದ್ ಅಸ್ಪತ್ರೆಡ್ ಮರ್ದ್ ಮನ್ತೊಂದುಲ್ಲೆ. ಉಚ್ಚುಗ್ ಡೀಸೆಲ್ ಚೇತಿನೆರ್ದಾವರನೇ ಇಂಚ ಆವೊಂದುಂಡು ಪಂದ್ ಅಲ್ಪದಕುಲು ಪಾತೆರೊಂದುಲ್ಲೆರ್.