Last updated on September 20th, 2023 at 02:41 pm
ಪರ ಸಂಸತ್ತ್ ಕಟ್ವಾನೊನು ನನ ಸಂವಿಧಾನ ಸದನ ಪನ್ದ್ ಪನೊಲಿ ಪನ್ದ್ ಪ್ರಧಾನಿ ನರೇಂದ್ರ ಮೋದಿ ಪ್ರಸ್ತಾಪ ಮಲ್ತೆರ್.
ಪರ ಸಂಸತ್ತ್ ಭವನದ ಅಕೇರಿದ ಭಾಷನ ಮಲ್ತಿನ ಮೋದಿ, ನಮ ನನ ಪೊಸ ಸಂಸತ್ತ್ ಭವನೊಗು ಪೋವೊಂದುಲ್ಲ. ಆಂಡ ಈ ಸದನದ ಘನತೆ ಯಾಪೊಗ್ಲಾ ಕಮ್ಮಿ ಆವರೆ ಬಲ್ಲಿ. ನಮ ಉಂದೆನ್ ಪರ ಸಂಸತ್ತ್ ಭವನ ಪನ್ದ್ ಲೆಪ್ಪರೆ ಬಲ್ಲಿ, ನಿಕುಲು ಇರುವೆರ್ಲಾ ಅನಿಮತಿ ಕೊರಿಯರ್ಡ ಉಂದು ನಮಕ್ ಯಾಪೊಗ್ಲಾ ಸ್ಪೂರ್ತಿಯಾದುಪ್ಪುನ ಸಂವಿಧಾನ ಸದನ ಪನ್ದ್ ಲೆಪ್ಪೊಲಿ ಪನ್ದ್ ಉಭಯ ಸದನದ ಸಭಾಪತಿಲೆಡ ಮನವಿ ಮಲ್ತೆರ್.
ಸಂವಿಧಾನ ಸದನ ಪನ್ದ್ ಲೆಪ್ಪುನಗ ಒರ ಮೂಲು ಸಂವಿಧಾನ ಕಟ್ಟುನಗ ಕುಲ್ದಿತ್ತಿನ ಮಹಾನ್ ವ್ಯಕ್ತಿಲೆನ ನೆಂಪು ಬರ್ಪುಂಡು. ನನ ದುಂಬುದ ಪೀಳಿಗೆಗ್ ಈ ಉಡಿಗಿರೊನು ಕೊರ್ಪಿನ ಅವಕಾಶೊನು ನಿಕುಲು ಬುಡ್ದ್ ಕೊರ್ರೆ ಬಲ್ಲಿ ಪನ್ದ್ ಪನ್ಡೆರ್.