ಸ್ಪೇನ್‌ದ ಪ್ರಾದೇಶಿಕ ಭಾಷೆಲಾಯಿನ ಬಾಸ್ಕ್, ಕೆತಲಾನ್ ಬೊಕ್ಕ ಗಲೀಸಿಯನ್‌ಗ್ ಸಂಸತ್ತ್ ‌ದ ಅಧಿಕೃತ ಸ್ಥಾನಮಾನ

Last updated on September 20th, 2023 at 08:25 pm

ಸ್ಪೇನ್‌ದ ಶಾಸಕೆರ್ ನನ ಸಭೆನ್ ಬಾಸ್ಕ್, ಕೆತಲಾನ್, ಗೆಲೀಸಿಯನ್ ಬಾಸೆಲೆಡ್ ಪಾತೆರೊಲಿ. ಈ ಮೂಜಿ ಪ್ರಾದೇಶಿಕ ಭಾಷೆಲೆಗ್ ಸ್ಪೇನ್‌ದ ಸಂಸತ್ತುಡು ಅಧಿಕೃತ ಮಾನಾದಿಗೆ ತಿಕ್ಕ್ಂಡ್. ತನ್ನ ದೇಶೊಡು ಭಾಷಾ ಬಹುತ್ವೊನು ಒತ್ತೊನಿನ ಸ್ಪೇನ್ ಕಾಂಗ್ರೇಸ್ ತನ್ಕುಲೆನ ದೇಶದವೇ ಆಯಿನ ಭಾಷೆಲೆಗ್ ಅಧಿಕೃತ ಮಾನಾದಿಗೆ ಕೊರಿನವು ಪೆರ್ಮೆದ ವಿಷಯ ಪನ್ದ್ ಈ ಬಿಲ್‌ದ ಪರ ಇತ್ತಿನಕುಲು ಪನ್ಡೆರ್.

9.1 ಮಿಲಿಯನ್ ಜನಕುಲು ಕೆತಲಾನ್ ಪಾತೆರುವೆರ್, ಅಂಚೆನೆ 2.6 ಮಿಲಿಯನ್ ಗ್ಲೇಸಿಯನ್, 1.1 ಮಿಲಿಯನ್ ಬಾಸ್ಕ್ ಬಾಸೆನ್ ಪಾತೆರುನ ಜನಕುಲು ಉಲ್ಲೆರ್.

ಸ್ಪೇನ್‌ದ ಸೋಶಿಯಲಿಸ್ಟ್ ಸರಕಾರ, ಅಲ್ಪದ ಎಲ್ಯ ಪಕ್ಷೊಲೆನ ಬೇಡಿಕೆಲೆಗ್ ಒತ್ತೊನ್ದು ಈ ನಿರ್ಧಾರೊಗು ಬೈದ್ಂಡ್. ಗುರುವಾರ ಕಾಂಗ್ರೇಸ್ಡ್ ಓಟು ಪಾಡ್ದ್ ಈ ನಿರ್ಧಾರೊಗು ಬಹುಮತ ಸಾಬೀತ್ ಮಲ್ಪರೆ ಉಂಡು.