Last updated on September 21st, 2023 at 01:10 pm
ಮಸ್ತ್ ಪ್ರಕರಣೊಲೆಡ್ ಕೈ ಇತ್ತ್‌ದ್ ನ್ಯಾಯಂತಡೆಕ್ ಹಾಜಿರಾವಂದೇ ಸುಮಾರ್ 7 ತಿಂಗೊಳುರ್ದ್ ದೆಂಗ್‌ತಪ್ಪಾವೊಂದಿತ್ತಿನ ಕುಖ್ಯಾತ ಆರೋಪಿ ಒರ್ಯನ್ ಕುಡ್ಲ ಸಿಸಿಬಿ ಪೊಲೀಸೆರ್ ಕೈದ್ ಮಲ್ದೆರ್.
ಬಜಾಲ್ ಫೈಸಲ್ ನಗರೊದ ತಲ್ಲತ್(39) ಕೈದಾತಿನ ಆರೋಪಿ.
ಆರೋಪಿ 2004ಟ್ ಹಲ್ಲೆ ಪ್ರಕರಣೊಡು ಇತ್ತ್‌ದ್ ಅಪರಾಧ ಚಟುವಟಿಕೆಲೆಗ್ ಕೈ ಪಾಡ್ದಿತ್ತೆ. ಬೊಕ್ಕ ಕುಡ್ಲ ಗ್ರಾಮಾಂತರ, ಕಂಕನಾಡಿ ಪೇಂಟೆ, ಕೊಣಾಜೆ, ಬರ್ಕೆ, ಮುಂಬೈ ಇಂಚ ಬೇತೆ ಬೇತೆ ಕಡೆಟ್ ಹಲ್ಲೆ, ಜೂವ ಬೆದರಿಕೆ, ಹಫ್ತಾ ವಸೂಲಿ, ದಗೆ, ಕೊಲೆ ಪುನೆಪು, ಕೊಲೆ, ಕರ್ತವ್ಯೊಡಿತ್ತಿನ ಪೊಲೀಸೆರೆ ಮಿತ್ತ್ ಹಲ್ಲೆ, ಕಿಡ್ನಾಪ್ ಇಂಚ ಒಟ್ಟು 28 ಪ್ರಕರಣೊಲೆಡ್ ಪಾಲ್‌ಗೆತೊಂದೆ.
ಇಂಚ ಮಸ್ತ್ ಪ್ರಕರಣೊಲೆಡ್ ಇತ್ತಿನ ಆರೋಪಿ ನ್ಯಾಯಂತಡೆರ್ದ್ ಜಾಮೀನ್‌ಡ್ ಪಿದಯಿ ಬತ್ತಿತ್ತೆ. ಬೊಕ್ಕ ಆರೋಪಿ ನ್ಯಾಯಂತಡೆಕ್ ವಿಚಾರಣೆದ ಪೊರ್ತುಡು ಹಾಜಿರಾವಂದೇ ದೆಂಗ್‌ತಪ್ಪಾವೊಂದಿತ್ತೆ. ಇತ್ತೆ ಸಿಸಿಬಿ ಪೊಲೀಸೆರ್ ವಶೊಕು ಗೆತೊಂದು ನನದ ಕ್ರಮೊಕು ಕುಡ್ಲ ಗ್ರಾಮಾಂತರ ಪೊಲೀಸ್ ಸ್ಟೇಶನ್‌ಗ್ ಕೊರ್ತೆರ್.
ಆರೋಪಿ ಪತ್ತೆ ಕಾರ್ಯೊಡು ಕುಡ್ಲ ಪೊಲೀಸ್ ಆಯುಕ್ತೆ ಅನುಪಮ್ ಅಗರ್ವಾಲ್ ಮೆರೆನ ಮಾರ್ಗದರ್ಶನೊಡು ಸಿಸಿಬಿ ಘಟಕೊದ ಅಧಿಕಾರಿಲು ಅಂಚೆನೇ ಸಿಸಿಬಿ ಸಿಬ್ಬಂದಿಲು ಇತ್ತೆರ್.