ಪೊಸ ಪಾರ್ಲಿಮೆಂಟ್ ಬಿಲ್ಡಿಂಗ್‌ಡ್ ನಾರಾಯಣ ಗುರುನ ಮೂರ್ತಿ ದೀಲೆ, ಕೇರಳ ಸಂಸದೆ ಆಗ್ರಹ

Last updated on September 23rd, 2023 at 07:47 am

ಪೊಸ ಪಾರ್ಲಿಮೆಂಟ್‌ಡ್ ನಾರಾಯಣ ಗುರುನ ಮೂರ್ತಿ ದೀವೊಡು ಪನ್ದ್ ಕೇರಳದ ರಾಜ್ಯಸಭಾ ಸಂಸದೆ ಎ.ಎ ರಹೀಮ್ ಮೇರ್ ಕೇಂದ್ರ ಸರಕಾರೊಗು ಆಗ್ರಹ ಮಲ್ತೆರ್. ನಾರಾಯಣ ಗುರುಕುಲೆನ 96ನೇ ಪುಣ್ಯತಿಥಿತ ನೆಂಪುದ ಪೊರ್ತುಡು ಈ ಪಾತೆರ ಬತ್ತ್ಂಡ್.

ನಾರಾಯಣ ಗುರುಕುಲು ಸಾಮಾಜಿಕ ಪರಿವರ್ತಕೆರ್, ಧಾರ್ಮಿಕ ಗುರು, ತತ್ವಜ್ಞಾನಿ, ಅರೆನ ಬೋಧನೆಲೆನ್ ಕೋಟ್ಯಾಂತರ ಜನಕುಲು ಇತ್ತೆಲ ಪಾಲನೆ ಮಲ್ಪುವೆರ್. ಸಮಾನತೆ, ಸಾಮಾಜಿಕ ನ್ಯಾಯ, ಆಧ್ಯಾತ್ಮಿಕ ಶಕ್ತಿದ ಬಗೆಟ್ ಸಮಾಜೊಗು ತೆರಿಪಾಯಿನ ಮಹಾನ್ ಗುರು ಆರ್. ಮೆರೆನ ಮೂರ್ತಿನ್ ಪಾರ್ಲಿಮೆಂಟ್‌ಡ್ ಮಲ್ತ್ಂಡ ಈ ಸಮಾಜೊನು ಒಂಜಿ ಮಲ್ಪರೆ ಪಿದಡ್ದಿತ್ತಿನ ಒಂಜಿ ಮಹಾನ್ ಗುರುಕು ನಮ ನಮನ ಮಲ್ತಿಲೆಕ್ಕ ಆಪುಂಡು ಪನ್ದ್ ಸಂಸದೀಯ ಸಚಿವೆ ಆಯಿನ ಪ್ರಹ್ಲಾದ್ ಜೋಷಿಗ್ ಓಲೆ ಬರೆದ್ ತೆರಿಪಾಯೆರ್.