Last updated on September 23rd, 2023 at 07:51 am
ಒಡಿಪು: ಮಣಿಪಾಲದ ಡಾ॥ಟಿ.ಎಂ.ಎ ಪೈಕುಲೆನ ಪುನೆಪುರ್ದ್ ಜೂನ್ 27, 1949 ಗು ಒಡಿಪುಡು ಮಹಾತ್ಮ ಗಾಂಧಿ ಮೆಮೋರಿಯಲ್ ಕಾಲೇಜ್ ಪನ್ಪಿನವು ಸುರು ಆದ್ ಇತ್ತೆ 75ನೇ ವರ್ಸೊಗು ಪಜ್ಜೆ ದೀವೊಂದುಂಡು.
ಮದ್ರಾಸ್ ವಿವಿ ದಕುಲು ಸೆಕೆಂಡ್ ಗ್ರೇಡ್ ಕಾಲೇಜ್ ಮಲ್ಪರೆ ಅನುಮತಿ ಕೊರಿನೇ ಸ್ವಂತ ಕಟ್ವಾನ ದಾಂತೆ ನಗರಸಭೆತ ಪ್ರೈಮರಿ ಶಾಲೆದ ಕಟ್ವಾನೊಡು ಕೈತಲ್‌ದ ಕ್ಲಬ್ ಹೌಸ್‌ದ ಕಟ್ವಾನಲಾ ಗೋಡ್ಯಾದ್ 79 ಆನ್ ಜೋಕುಲು, 10 ಪೊಣ್ಣು ಜೋಕುಲು, 10 ಪ್ರಾಧ್ಯಾಪಕೆರ್, 7 ಸಿಬ್ಬಂದಿಲೆನೊಟ್ಟುಗು ಕಾಲೇಜ್ ಸುರು ಆಂಡ್. 1949ಡು ಸಗ್ರಿಗುಡ್ಡೆಡ್ ಮದ್ರಾಸ್‌ದ ಮುಖ್ಯಮಂತ್ರಿ ಪಿ.ಎಸ್ ಕುಮಾರಸ್ವಾಮಿ ರಾಜಾ ಮೇರ್ ಪೊಸ ಕಟ್ವಾನ ಕಟ್ಟರೆ ಕೆಸರ್ ಕಲ್ಲ್ ಪಾಡ್ದಿತ್ತೆರ್.
ಅಲ್ಪ ಸುರು ಆಯಿನ ಕಾಲೇಜ್ ಇನಿ ಸಾರ ಸಾರ ಜೋಕುಲೆನ್ ಭವಿಷ್ಯ ಕಟ್ಟೊಂದು ಇನಿಕ್ 75 ವರ್ಸೊರ್ದಿಂಚಿ ಒಡಿಪುದ ಒಂಜಿ ಮಲ್ಲ ವಿದ್ಯಾಸಂಸ್ಥೆ ಆದ್ ಬುಲೆದ್ ಬೈದ್ಂಡ್. ಈ ಅಮೃತ ಮಹೋತ್ಸವ ಲೇಸ್‌ದ ಉದಿಪನ ಇನಿ ಕಾಂಡೆ 11 ಗಂಟೆಗ್ ಆಪುಂಡು ಪನ್ದ್ ತೆರಿದ್ ಬೈದ್ಂಡ್.