Last updated on September 24th, 2023 at 09:47 pm
ಉಬಾರ್- ಸುಬ್ರಹ್ಮಣ್ಯ ರಾಜ್ಯ ಪೆರ್ಸಾದಿದ ನಡುಟು ಕಡಬ ಪೋಸ್ಟ್ ಆಫೀಸ್‌ದಲ್ಪ ಪೋವೊಂದಿತ್ತಿನ ಕೆಎಸ್‌ಆರ್‌ಟಿ‌ಸಿ ಬಸ್‌ರ್ದ್ ಒರಿ ಪಿದಯಿ ರಟ್ಟ್‌ದ್ ತೀರ್ದಿನ ನಡಕೆ ಇನಿ, ಐತಾರ ಬಯ್ಯಡ್ ನಡತ್‌ದ್ಂಡ್.
ತೀರ್ದಿನಾರ್ ಕಡಬ ಮುಟ್ಟದ ಕಳಾರ ಕುದ್ರೋಳಿ ನಿವಾಸಿ ಅಚ್ಚುತ ಗೌಡೆರ್ (63) ಪಂದ್ ತೆರಿದ್‌ಬೈದ್ಂಡ್.
ಕಡಬರ್ದ್ ಬಸ್ಸ್‌ಡ್ ಇಲ್ಲದಂಚಿ ಪಿದಡ್ದಿತ್ತೆರ್. ತಿರ್ಗೆಲ್‌ಡ್ ಆಯತತ್ತ್‌ದ್ ತಿರ್ತ್ ಬೂರ್ದೆರ್. ಆರೆನೊಟ್ಟುಗು ಪ್ರಯಾಣ ಮನ್ತೊಂದಿತ್ತಿನ ಬಲ್ಯದ ಚಂದ್ರಶೇಖರ ಪನ್ಪಿನಾರ್ಲಾ ತಿರ್ತ್ ಬೂರ್ದ್, ಎಲ್ಯೆಲ್ಯ ಗಡಿಕುಲಾದ್ ಪ್ರಾಣಾಪಾಯೊರ್ದು ದೂರ ಬಚಾವಾತೆರ್. ಆಂಡ ಗಾತಿದ ಗಡಿಕುಲಾದಿತ್ತಿನ ಅಚ್ಚುತ ಗೌಡೆರ್ ಆಸ್ಪತ್ರೆಗ್ ಲೆತೊಂದು ಪೋಪಿನ ಸಾದಿಡೇ ತೀರ್ದೆರ್.
ಮೇರ್ ಮೂಲತ ಪೆರಾಬೆ ಗ್ರಾಮೊದ ಬೀರಂತಡ್ಕ ನಿವಾಸಿ. ಮೇರ್ ಕಳಾರಡ್ ಜಾಗೆ ದೆತ್ತ್‌ದ್ ಸಾಗೋಲಿ ಬೇಲೆ ಮನ್ತೊಂದಿಪ್ಪೆದೆರ್. ಮೇರ್ ಬೊಡೆದಿ, ಮಗೆ ಅಂಚೆನೇ ಮೂವೆರ್ ಪೊಣ್ಣು ಜೋಕುಲೆನ್ ಅಗತ್‌ದೆರ್.