Last updated on September 25th, 2023 at 07:21 am
ಕುಡ್ಲದ ಗುರುಪುರ ಸುದೆ(ಫಲ್ಗುಣಿ ಸುದೆ)ಟ್ ಅಕ್ರಮವಾದ್ ಪೊಯ್ಯೆ ದೆತ್ತೊಂದಿತ್ತಿನ ಪತ್ತ ಒಲವು ತಿಕ್ಕ್‌ದ್ ಪೊಲೀಸೆರ್ ದಾಳಿ ಮಲ್ದೆರ್. ಆರೋಪಿಲು ಪದ್ರಾಡಾದ್, 15 ಓಡಲು, ರಡ್ಡ್ ಟಿಪ್ಪರ್‌‌ಲೆನ್ ಪೊಲೀಸೆರ್ ವಶೊಕು ಗೆತೊಂದೆರ್.
ಅಕ್ರಮವಾದ್ ಪೊಯ್ಯೆ ದೆತ್ತ್‌ದ್ ಸುದೆಕ್ಲೆನ ಉಡಲ್‌ಗ್ ಕೈ ಪಾಡುನಕ್ಲೆನ ಮಿತ್ತ್ ಕಣ್ಣ್ ದೀತಿನ ಕುಡ್ಲ ಸಿಟಿ ಪೊಲೀಸೆರ್, ಗುರುಪುರದ ಫಲ್ಗುಣಿ ಸುದೆರ್ದ್ ಲೈಸೆನ್ಸ್‌ದಾಂತೆ ಅಕ್ರಮವಾದ್ ಪೊಯ್ಯೆ ದೆತ್ತೊಂದುಪ್ಪುನಗ ದಾಳಿ ಮಲ್ತೆರ್. ಈ ಪೊರ್ತುಡು ಆರೋಪಿಲು ಪದ್ರಾಡಾತೆರ್.
ಕುಡ್ಲ ನಗರ ಪೊಲೀಸ್ ಆಯುಕ್ತೆ ಅನುಪಮ್ ಅಗರ್‌ವಾಲ್ ಮಾರ್ಗದರ್ಶನೊಡು ಸಿಸಿಪಿ ಸಿದ್ಧಾರ್ಥ ಗೋಯಲ್ ಮುತಾಲಿಕೆಡ್ ದಾಳಿ ನಡತ್‌ದ್ಂಡ್. ಈ ಪೊರ್ತುಡು 50 ಸಾವಿರ ರೂ ಮೌಲ್ಯೊದ 15 ಓಡಲು, ಲಡ್ಡ್ ಟಿಪ್ಪರ್‌ಲು ತಿಕ್ಕ್‌ದ.