Last updated on September 25th, 2023 at 05:00 pm
ಬೈಕ್‌ಡ್ ಬತ್ತಿನ ಇರ್ವೆರ್ ಪಲ್ಲಿದ ಆವರಣೊಗು ಪೊಗ್ಗುದು ಜೈಶ್ರೀರಾಮ್ ಘೋಷಣೆ ಲೆತ್ತ್‌ದೆರ್ ಪಂದ್ ಆರೋಪಿತ್‌ದ್ ಮಸೀದಿ ಆಡಳಿತ ಮಂತ್‌ದ್ ಕಡಬ ಸ್ಟೇಶನ್‌ಡ್ ಒಯಿಲ್ ದಾಕಲಾತ್ಂಡ್.
ಐತಾರ ರಾತ್ರೆ ಸುಮಾರ್ 11 ಗಂಟೆದ ಅಂದಾಜಿಗ್ ಕಡಬ ಸ್ಟೇಶನ್ ಸೀಮೆದ ಮರ್ಧಾಳ ಬದ್ರಿಯಾ ಜುಮಾ ಪಲ್ಲಿದ ಕಾಂಪೌಂಡ್‌ದ ಉಲಯಿ ಬೈಕ್‌ಡ್ ಬತ್ತಿನ ಇರ್ವೆರ್ ಪಲ್ಲಿದ ವರಾಂಡಡ್ ಬೈಕ್ ತಿರ್ಗದ್ ಪೋಪಿನ ಸಿಸಿ ಕ್ಯಾಮೆರಾಡ್ ಕೈದಾತ್ಂಡ್. ಜೈಶ್ರೀರಾಮ್ ಘೋಷಣೆ ಲೆತ್ತಿನ ಜವನೆರ್, ಪಲ್ಲಿಡಿತ್ತಿನ ಧರ್ಮಗುರುಕ್ಲೆನ್ ತೂದು ಪದ್ರಾಡಾತೆರ್ಂದ್ ಪೊಲೀಸೆರೆಗ್ ಕೊರ್ತಿನ ಒಯಿಲ್‌ಡ್ ತೆರಿಪಾದೆರ್.
ಇಸಯ ತೆರಿದ್ ಜಾಗೆಗ್ ಬತ್ತಿನ ಕಡಬ ಸಬ್ ಇನ್ಸ್‌ಪೆಕ್ಟರ್ ಅಭಿನಂದನ್ ಬೊಕ್ಕ ಉಬಾರ್ ಸಬ್ ಇನ್ಸ್‌ಪೆಕ್ಟರ್ ಬೊಕ್ಕ ಸಿಬ್ಬಂದಿಲು ಅಲ್ಪದ ಬೇತೆ ಬೇತೆ ಸಿಸಿ ಕ್ಯಾಮರಾಲೆನ್ ಪರಿಶೀಲನೆ ಮಲ್ದೆರ್. ರಡ್ಡ್ ಕೂಟ ಮಲ್ತ್‌ದ್ ಆರೋಪಿಲೆನ ಪತ್ತೆಗ್ ಜತ್ತ್‌ದೆರ್.
ಇಂಚಿಪ್ಪೊದ ವರದಿದ ಪ್ರಕಾರ ಪೋಲೀಸೆರ್ ಈ ರಡ್ಡ್ ಪೋಕುರಿಲೆನ್ ಪತ್ತ್‌ದೆರ್ ಪಂದ್ ತೆರಿದ್‌ಬೈದ್ಂಡ್. ಎಚ್ಚಿನ ಒಲವುಗು ಕಾತೊಂದುಲ್ಲ.