Last updated on September 26th, 2023 at 11:58 am
ಮೆಕ್ಸಿಕೋದ ಬಡಕಾಯಿ ರಾಜ್ಯ ಡುರಾಂಗೊಡ್ ರಡ್ಡ್ ಖಾಸಗಿ ವಿಮಾನೊಲೆನ ಮಾರಣಾಂತಿಕ ಎಡ್ತೆಡ್ ಒಂಜಿ ಬಾಲೆ ಸೇರ್ದ್ ಐನ್ ಜನ ತೀರ್ದೆರ್ ಪಂದ್ ಅಧಿಕಾರಿಲು ತೆರಿಪಾದೆರ್. ಎಡ್ತೆಗ್ ನೆವನ ದಾದ ಪಂದ್ ತೆರಿಯೊನೆರ ಜಡ್ತೆ ಸುರುವಾತ್ಂಡ್.
ಸೋಮವಾರ (ಸೆಪ್ಟೆಂಬರ್ 25) ಕಾಂಡೆ ಡುರಾಂಗೊದ ಲಾ ಗಲಾನ್ಸಿಟಾ ಪೇಂಟೆದ ಎಲ್ಯ ಏರ್ಸ್ಟ್ರಿಪ್ಡ್ ಈ ಎಡ್ತೆ ನಡತ್‌ದ್ಂಡ್. ರಾಜ್ಯೊದ ಭದ್ರತಾ ಸಚಿವಾಲಯೊದ ಪ್ರಕಾರ, ರಡ್ಡ್ ವಿಮಾನೊಲುಲಾ ಸೆಸ್ನಾ ಲಘು ವಿಮಾನ ಆದಿತ್ತ್‌ದ್, ಒಂಜಿ ಟೇಕ್ ಆಫ್ ಆನಗ ಕುಡೊಂಜಿ ಲ್ಯಾಂಡಿಂಗ್ ಆನಗ ಎಡ್ತೊಂದು ರಡ್ಡೆಟ್ಲಾ ಸೂ ಲಕ್ಕ್‌ದ್ಂಡ್.
“ಮಾತ ಐನ್ ಪ್ರಯಾಣಿಕೆರ್ ಎಡ್ತೆಡ್ ತೀರ್ದೆರ್” ಪಂದ್ ಅಲ್ಪದ ಏಜೆನ್ಸಿ ಪಂತ್ಂಡ್. ಮಾರಣಾಂತಿಕ ಎಡ್ತೆದ ಪಿರವುದ ನೆವನ ತೆರಿಯೊನೆರ ಜಡ್ತೆ ಸುರುವಾತ್ಂಡ್.