ಗೋರಕ್ಷಣೆದ ಪುದರ್‌ಡ್ ಇಸ್ಕಾನ್ ಗೋವುಲೆನ್ ಕಟುಕೆರೆಗ್ ಮಾರೊಂದುಂಡು : ಮನೇಕಾ ಗಾಂಧಿ

Last updated on September 27th, 2023 at 11:56 am

ಬಿಜೆಪಿದ ಸಂಸದೆ ಮನೇಕಾ ಗಾಂಧಿ ಮೇರ್, ಇಸ್ಕಾನ್ ಸಂಸ್ಥೆ ದೇಶದ ಮಲ್ಲ ವಂಚನೆ ಮಲ್ಪುನ ಸಂಸ್ಥೆ, ಅಕುಲು ಗೋರಕ್ಷಣೆದ ಪುದರ್‌ಡ್ ಗೋವುಲೆನ್ ಕಟುಕೆರೆಗ್ ಮಾರುವೆರ್ ಪನ್ದ್ ಮಲ್ಲ ಆರೋಪ ಮಲ್ದಿನ ವೀಡಿಯೋ ಇತ್ತೆ ವೈರಲ್ ಆತ್ಂಡ್.

ಉಂದೆಕ್ ಸದು ಕೊರಿನ ಇಸ್ಕಾನ್‌ದಕುಲು ಈ ಆರೋಪ ಪೂರಾ ಕಲು. ಎಂಕುಲು ಯಾಪೊಲಾ ಗೋವುಲೆನ್ ಕಟುಕೆರೆಗ್ ಮಾರುಜ. ಎಂಕುಲು ಗೋವುಲೆನ್ ರಕ್ಷಣೆ ಮಲ್ಪುನಕುಲು ಪನ್ದ್ ಪನ್ತೆರ್.

ಮನೇಕಾ ಗಾಂಧಿ ಪಾತೆರ್ದ್, ಯಾನ್ ಇಂಚೊಗು ಇಸ್ಕಾನ್‌ದಕಲೆನ ಅನಂತಪುರ ಗೋಶಾಲೆಗ್ ಪೋದಿತ್ತೆ. ಅಲೇಪ ಪೇರ್ ಕೊರ್ಪಿನ ಪೆತ್ತೊಲು ಅತ್ತಂದೆ ಬೋರಿಲು ಬೊಕ್ಕ ಕಂಜಿಲು ಇತ್ತಿಜ. ಅಂಚೆನೆ ಪ್ರಾಯೊದ ಪೆತ್ತೊಲುಲಾ ಇತ್ತಿಜ. ಮೊಕುಲು ಈ ಗೋವುಲೆನ್ ಮಾರ್ದಿನವು ಸ್ಪಷ್ಟವಾದುಂಡು ಪನ್ದ್ ಪನ್ಡೆರ್.

ಎಂಕುಲು ಪೆತ್ತ ಆವಡ್ ಬೋರಿ ಆವಡ್ ಒವೆನ್ಲಾ ಮಾರುಜ. ಅಕ್ಲೆನ ಜೀವದ ಅಂತ್ಯ ಆನಮುಟ್ಟ ಸಾಂಕುವ ಆತೇ ಅತ್ತಂದೆ ಅಂಚೆನ ಮಾರುನ ಪೆತ್ತೊಲು ಇತ್ತಂಡಲಾ ಅವೆನ್ಲಾ ಕನತ್ ಸಾಂಕುವ, ಮನೇಕ ಗಾಂಧಿನ ಆರೋಪ ಪಜ್ಜಿ ಕಲು ಪನ್ದ್ ಇಸ್ಕಾನ್‌ದಕುಲು ಪನ್ತೆರ್.