Last updated on September 27th, 2023 at 06:45 pm
ಉಳ್ಳಾಲ: ಟೆಂಪೋ ಡ್ರೈವರ್ ತಾನ್ ಟೆಂಪೋ ದೀವೊಂದಿತ್ತಿನ ಹೋಟೆಲ್ ದನಿನ ಇಲ್ಲದ ಗುವೆಲ್‌ಗ್ ಲಾಗಿದ್ ಜೂವ ದೆತ್ತೊಂದಿನ ನಡಕೆ ತೊಕ್ಕೊಟ್ಟು ಉಲಯಿಪೇಂಟೆದ ಸಂತ ಸೆಬೆಸ್ತಿಯನ್ನರ್ನ ಚರ್ಚ್ ಕೈತಲ್ ನಡದ್ಂಡ್.
ತೊಕ್ಕೊಟ್ಟು, ಕೃಷ್ಣ ನಗರ, ಲಚ್ಚಿಲ್ ನಿವಾಸಿ ನಾಗೇಶ್ (62) ಜೀವ ದೆತ್ತೊನಿನಾರ್. ನಾಗೇಶ್ ಗೂಡ್ಸ್ ಆಟೋ ಟೆಂಪೊ ಬುಡೊಂದಿತ್ತೆರ್. ಟೆಂಪೋನ್ ನಾಗೇಶ್ ಮೇರ್ ಉಲಯಿಪೇಂಟೆದ ಚರ್ಚ್ ಎದುರು ಗಣೇಶ್ ಭವನ ಹೊಟೇಲ್ ದ ದನಿಕ್ಲೆನ ಇಲ್ಲದಲ್ಪನೇ ಯಾಪಲಾ ರಾತ್ರೆ ಉಂತಾವೊಂದಿತ್ತೆರ್. ಇನಿ ಕಾಲ್ತೆಗ್ ನಾಗೇಶ್ ಮೇರ್ ಟೆಂಪೋ ದೆಪ್ಪಂದೆ ನಾಪತ್ತೆ ಆದಿತ್ತೆರ್. ಗಣೇಶ್ ಭವನ ಮಾಲಕೆರ್ನ ಇಲ್ಲದಲ್ಪನೇ ಉಂತಾದಿತ್ತಿನ ಟೆಂಪೋ ಸೀಟ್ಡ್ ನಾಗೇಶ್ ಮೆರೆನ ಮೊಬೈಲ್, ಕಾಸ್, ಫೋಟೊ, ಚಪ್ಪಲಿ ಇತ್ತಿನವು ಅನುಮಾನ ಬತ್ತಿನ ಇಲ್ಲದಕುಲು ,ಅಲ್ಪದಕುಲು ಸೇರ್ದ್ ಗುವೆಲ್ಡ್ ನಾಡರೆ ಪತ್ತಿಯೆರ್.
ಜಾಗೆಗ್ ಬತ್ತಿನ ಅಗ್ನಿಶಾಮಕ ಸಿಬ್ಬಂದಿಲೆರ್ದ್ ಗುವೆಲ್ಡ್ ನಾಗೇಶ್ ಮೆರೆನ ಪುನ ಉಪ್ಪುನ ನಿಗಂಟ್ ಆಯಿನೇ ಪುನೊನು ಮಿತ್ತ್ ದೆರ್ತ್ ಮರಣೋತ್ತರ ಪರೀಕ್ಷೆಗ್ ಕಡಪುಡ್ಂಡ್. ತೀರಿನ ನಾಗೇಶ್ ಮೇರ್ ಹೃದಯ ಸಂಬಂಧಿ ಸೀಕ್ ಡ್ ಇತ್ತೆರ್. ಮೇರ್ ಬೊಡೆದಿ ಬೊಕ್ಕ ರಡ್ಡ್ ಅನ್ ಜೋಕುಲು ಉಲ್ಲೆರ್.