Last updated on September 28th, 2023 at 11:04 am
ಸುರತ್ಕಲ್ ಜಂಕ್ಷನ್ ಸರ್ಕಲ್‌ಗ್ ಸಾವರ್ಕರ್ ವೃತ್ತ ಪನ್ದ್ ಪುದರ್ ದೀಪಿನ ಬಗೆಟ್ ಆಡಳಿತ ಪಕ್ಷದ ಪದುಕೆರೆನ ಒಪ್ಪಿಗೆ ಅಂಚೆನೆ ವಿರೋಧ ಪಕ್ಷದ ಸದಸ್ಯೆರೆನ ಆಕ್ಷೇಪದ ನಡುಟು ಸರಕಾರೊಗು ಮನವಿ ಕೊರಿಯರೆ ನಿರ್ಣಯ ಆತ್ಂಡ್. ಉಂದೆತೊಟ್ಟುಗು ಸಾವರ್ಕರ್‌ನ ಪುದರ್ ದೀಪಿನ ಬಗೆಟ್ ಉಪ್ಪುನ ವಿಷಯ ಇತ್ತೆ ಸರಕಾರದ ಜಾಲ್‌ಗ್ ಬೈದ್ಂಡ್.
ಸುರತ್ಕಲ್ ಜಂಕ್ಷನ್‌ಗ್ ಸಾವರ್ಕರ್‌ನ ಪುದರ್ ದೀವೊಡು ಪನ್ದ್ ಶಾಸಕೆ ಭರತ್ ಶೆಟ್ಟಿ ಮೇರ್ ಪ್ರಸ್ತಾವ ದೀದಿತ್ತೆರ್. ಉಂದೆಕ್ ವಿರೋಧ ಪಕ್ಷದಕುಲು ಆಕ್ಷೇಪ ಪಾಡ್ದಿತ್ತೆರ್. ಈ ಬಗೆಟ್ ಕುಡ್ಲ ಮಹಾನಗರ ಪಾಲಿಕೆ ಸಾರ್ವಜನಿಕೆರೆನ ಒಪಿನಿಯನ್ ಕೇನ್ದಿತ್ತ್ಂಡ್. ಉಂದೆಕ್ ಕುಡ 14 ಜನ ಸಾರ್ವಜನಿಕೆರ್ ಆಕ್ಷೇಪ ಕೊರ್ತೆರ್. ಸುರತ್ಕಲ್ ಜಂಕ್ಷನ್‌ಗ್ ಸಾವರ್ಕರ್‌ನ ಪಗತೆಗ್ ತುಳುನಾಡ್‌ದಕುಲೇ ಆಯಿನ ಯು.ಶ್ರೀನಿವಾಸ ಮಲ್ಯ ಇಜಿಂಡ ದೇವರಾಜು ಅರಸು ಸರಕಾರೊಡು ಮಂತ್ರಿ ಆದಿತ್ತಿನ ಬಿ.ಸುಬ್ಬಯ್ಯ ಶೆಟ್ಟಿನ ಪುದರ್ ದೀವರೆ ಪ್ರಸ್ತಾವನೆಲಾ ಬೈದ್ಂಡ್.
ಇತ್ತೆ ಈ ಸಾವರ್ಕರ್ ಪುದರ್‌ದ ಅನುಮತಿಗಾದ್ ಸರಕಾರದ ನಿರ್ಂಯ ಕೇನರೆ ಕಡಪುಡ್ದ್ಂಡ್. ಅವ್ ಅತ್ತಂದೆ ಬೊಂದೇಲ್ ಸರ್ಕಲ್‌ಗ್ ಕನ್ನಡದ ಕವಿ ಸರ್ವಜ್ಞನ ಪುದರ್ ದೀವರೆ ಪಾಲಿಕೆಡ್ ಬಿಲ್ ಪಾಸ್ ಆಂಡ್.