Last updated on September 28th, 2023 at 07:14 pm
ಕಾವೇರಿಗಾದ್ ಸಪ್ಟೆಂಬರ್ 29ಗು ರಾಜ್ಯ ಬಂದ್ ಮಲ್ಪರೆ ಕನ್ನಡ ಸಂಘಟನೆಲು ಲೆಪ್ಪು ಕೊರ್ತ. ಆಂಡ ಕುಡ್ಲ ಜಿಲ್ಲೆಡ್ ಬಂದ್ ಉಪ್ಪುಜಿ ಮಾತ ದಿನತಲೆಕ್ಕನೇ ಎಲ್ಲೆಲ ಉಪ್ಪುಂಡು ಪನ್ದ್ ಸಾಮಾಜಿಕ ಪೊರುಂಬಾಟಗಾರೆ ದಿಲ್‌ರಾಜ್ ಆಳ್ವೆರ್ ಪನ್ಡೆರ್.
ಮುಲ್ಪ ದಾದ ಇತ್ತ್ಂಡಲಾ ನೈತಿಕ ಬೆರಿಬಲ ಮಾತ್ರ, ಪ್ರತಿಭಟನೆ ಮಲ್ತ್ ಪೂರಾ ಬಂದ್ ಮಲ್ಪುಜ. ಎತ್ತಿನಹೊಳೆತ ಪೊರ್ತುಡು ಬಂದ್‌ಗ್ ಕನ್ನಡ ಸಂಘೊಲೆನ ಬೆರಿಬಲ ಕೇನ್ದಿತ್ತ್ಂಡ್ ಆಂಡ ಅಪಗ ಅಕುಲು ನೀರ್ ಮಾತೆರೆಗ್ ಸೇರ್ದಿನವು ಪನ್ದ್ ಬೆರಿಬಲ ಕೊರ್ತುಜೆರ್. ತುಳು ಬಾಸೆದ ವಿಷಯೊಡ್ಲಾ ಎಂಕ್ಲೆಗ್ ಒವ್ವೇ ಬೆರಿಬಲ ತಿಕ್ಕ್‌ದ್‌ಜಿ. ತುಳು ಬಾಸೆದ ಬಗೆಟ್ ಚರ್ಚೆ ಆನಗ ಅಲ್ಪದ ಶಾಸಕೆರ್ ಮಕ್ಕರ್ ಮಲ್ದಿತ್ತೆರ್. ಕನ್ನಡದ ಒರಿಯೇ ಒರಿ ಶಾಸಕೆ ತುಳುಕು ಬೆರಿಬಲ ಕೊರ್ತುಜೆರ್.
ಎತ್ತಿನಹೊಳೆ ಅವೈಜ್ಞಾನಿಕ ಪನ್ದ್ ಗೊತ್ತಿತ್ತ್‌ಲಾ ಎಂಕ್ಲೆಗ್ ಬೆರಿಬಲ ಕೊರ್ತುಜೆರ್. ಅಂಚಾದ್ ಬಂದ್‌ಗ್ ನಮ್ಮ ನೈತಿಕ ಬೆರಿಬಲ ಮಾತ್ರ, ಬಸ್‌ಲು ಯಾಪದಲೆಕ್ಕನೇ ಪೋವೊಂದಿಪ್ಪುವ ಪನ್ದ್ ದಿಲ್‌ರಾಜ್ ಆಳ್ವೆರ್ ಪನ್ಡೆರ್.