Last updated on September 29th, 2023 at 07:40 am
ಕಡಬ: 8 ತಿಂಗೊಲು ದುಂಬು ಕಾಡಾನೆ ದಾಳಿ ಮಲ್ತ್‌ದ್ ಇರ್ವೆರೆನ್ ಬಲಿ ಗೆತೊಂದಿನ ಕಡಬ ತಾಲೂಕುಡು ಕೋಡೆ ಕುಡ ಒರ್ಯನ ಮಿತ್ತ್ ಕಾಡಾನೆ ದಾಳಿ ಮಲ್ದ್ಂಡ್. ಕಾಡ್‌ದ ಮುಟ್ಟಡುಪ್ಪುನಕುಲು ಜೂವ ಕೈಟ್ ಪತೊಂದು ಬದ್‌ಕುನಂಚ ಆತ್ಂಡ್.
ಕರಿನ ಸರ್ತಿ ರೆಂಜಲಾಡಿ ಗ್ರಾಮೊಡು ದಾಳಿ ಮಲ್ತ್‌ದ್ ಇರ್ವೆರೆನ್ ಕೆರ್ದಿತ್ತಿನ ಆನೆ ಈ ಸರ್ತಿ ಐತ್ತೂರು ಗ್ರಾಮೊದ ನೇಲ್ಯಡ್ಕ ಪನ್ಪಿನವುಲು ತನ್ನ ಪ್ರತಾಪ ತೂಪಾದ್ಂಡ್. ಐತ್ತೂರು ಗ್ರಾಮೊದ ಗೇರ್ತಿಲ ನಿವಾಸಿ ಚೋಮೆ ಪನ್ಪಿನಾರ್ ಆನೆ ದಾಳಿಗ್ ತಿಕ್ಕಿನಾರ್.
ಆರ್ ಮರ್ದಾಳರ್ದ್ ಕೊಣಾಜೆಡೆ ಆದ್ ಇಲ್ಲಗ್ ಪೋವೊಂದುಪ್ಪುನಗ ಸುಳ್ಯ ಪನ್ಪಿನವುಲು ಕಾಡಾನೆ ದಾಳಿ ಮಲ್ದ್ಂಡ್. ಆರೆಗ್ ಗಾತಿದ ಪೆಟ್ಟಾದಿತ್ತ್‌ದ್, ಕಡಬ ಆಸ್ಪತ್ರೆಗ್ ಸೇರಾದೆರ್.