Last updated on October 5th, 2023 at 11:40 am
ಬಂಟ್ವಾಳ: ಸ್ಕೂಟರ್‌ಗ್ ಕಾರ್ ಎಡ್ತ್‌ದ್ ಗಾತಿದ ಪೆಟ್ಟಾದಿತ್ತಿನ ಸ್ಕೂಟರ್ ಸವಾರೆ ಮರ್ದ್ ಪಲಿಪಂದೆ ಆಸ್ಪತ್ರೆಡ್ ತೀರ್ದಿನ ನಡಕೆ ಬಂಟ್ವಾಳ ತಾಲೂಕ್‌ದ ಕಾಮಾಜೆ ಕ್ರಾಸ್‌ದಲ್ಪ ಕೋಡೆ ನಡತ್‌ದ್ಂಡ್. ವಾಮದಪದವು ಮುಟ್ಟದ ಪಾಂಗಲ್ಪಾಡಿ ನಿವಾಸಿ ಶ್ರೀನಿವಾಸ ಉಡುಪ (58) ತೀರ್ದಿನಾರ್.
ವಾಮದಪದವುರ್ದ್ ಆರ್ ಬಿಸಿರೋಡ್‌ಗ್ ಬರೊಂದುಪ್ಪುನಗ ಪಿರವುರ್ದ್ ಬರೊಂದಿತ್ತಿನ ಕಾರ್ ಎಡ್ತ್‌ದ್ಂಡ್. ಶ್ರೀನಿವಾಸೆರ್ ಬಂಟ್ವಾಳರ್ದ್ ಬರೊಂದಿತ್ತ್‌ದ್, ಕಾಮಾಜೆ ಕ್ರಾಸ್‌ದಲ್ಪ ತಿರ್ಗನಗ ಪಿರವುರ್ದ್ ಕಾರ್ ಎಡ್ತ್‌ದ್ಂಡ್. ಎಡ್ತೆಡ್ ಗಾತಿದ ಪೆಟ್ಟಾತಿನಾರೆನ್ ತುಂಬೆ ಖಾಸಗಿ ಆಸ್ಪತ್ರೆಗ್ ದಾಕಲ್ತ್‌ದಿತ್ತೆರ್.
ಆಂಡ ಗಾತಿದ ಪೆಟ್ಟಾದಿತ್ತಿನೆರ್ದಾವರ ಮರ್ದ್ ಪಲಿಪಂದೆ ತೀರ್ದೆರ್ಂದ್ ಬೈದ್ಯೆರ್ ತೆರಿಪಾದೆರ್. ಶ್ರೀನಿವಾಸೆರ್ ಅಟಿಲ್‌ದ ಬೇಲೆಗ್ ಪೋವೊಂದಿತ್ತ್‌ದ್, ದೇವಲ್ಯೊಡು ಚಾಕಿರಿದಾರ್‌ಲಾ ಆದಿತ್ತೆರ್. ಜಾಗೆಗ್ ಮೆಲ್ಕಾರ್ ಟ್ರಾಫಿಕ್ ಪೋಲೀಸೆರ್ ಬತ್ತ್‌ದ್ ಪ್ರಕರಣ ದಾಕಲ್ತೊಂದೆರ್.