ಸಾಲುಮರತ ತಿಮ್ಮಕ್ಕ ತೀರಿಯೆರ್ ಪನ್ಪಿನ ಸುದ್ದಿ, ಸ್ಪಷ್ಟನೆ ಕೊರಿನ ಅರೆನ ಮಗೆ

Last updated on October 5th, 2023 at 03:18 pm

ಸಾಲು ಮರತ ತಿಮ್ಮಕ್ಕ ತೀರಿಯೆರ್ ಪನ್ಪಿನ ಕಲು ಸುದ್ದಿ ಸಾಮಾಜಿಕ ಜಾಲತಾಣೊಡು ಪರಡೊಂದುಂಡು. ಈ ಬಗೆಟ್ ಅರೆನ ದತ್ತೊದ ಮಗೆ ಉಮೇಶ್ ವೀಡಿಯೋ ಮಲ್ತ್ ಈ ಕಲು ಸುದ್ದಿಗ್ ಪರದೆ ಪಾಡ್ದೆರ್.

ಮೂಜಿ ತಿಂಗೊಲ್ದ ದುಂಬು ತಿಮ್ಮಕ್ಕ ಬೆಂಗಳೂರುದ ಇಲ್ಲಡ್ ಬೂರ್ದು ಗಾಯ ಮಲ್ತೊಂದೆರ್, ಅವೆರ್ದ್ ಬೊಕ್ಕ ಅರೆನ್ ಅರ್ನ ಮಗೆ ಬೇಲೂರುದಲ್ಪದ ಬಳ್ಳೂರುದ ತನ್ನ ಇಲ್ಲಗ್ ಲೆತೊಂದು ಪೋದಿತ್ತೆ. ಸಪ್ಟೆಂಬರ್ 26ಕ್ಕ್ ಅರೆನ ಸುಯಿಲ್ಡ್ ಎರ್ತೆ ಕುಂದೆಲ್ ತೋಜಿನೇ ಅರೆನ್ ಆಸ್ಪತ್ರೆಗ್ ಕೊನೊದಿತ್ತೆರ್. ಸೋಮಾರ ರಾತ್ರೆ ಎಂತೆ ಜೋರ್ ಆಯಿನ ತೂದು ಅರೆನ್ ಬೆಂಗಳೂರುದ ಅಪೋಲೋ ಆಸ್ಪತ್ರೆಗ್ ಕೊನೊತೆರ್. ನನಲ ಮರ್ದ್ ನಡತೊಂದುಂಡು. ಸಾಮಾಜಿಕ ಜಾಲತಾಣೊಡು ಬರ್ಪಿನ ಸುದ್ದಿ ಸುಳ್ಳು ಪನ್ದ್ ಮಗೆ ತೆರಿಪಾದೆರ್.